Qalmaqallı müğənni xeyriyyə məqsədli reklama çəkildi

Hər zaman qalmaqallı fotoları ilə gündəmə gələn müğənni Mayli Sayrus bu dəfə xeyriyyə məqsədilə fotokamera qarşısına keçib. 

    Hər zaman qalmaqallı fotoları ilə gündəmə gələn müğənni Mayli Sayrus bu dəfə xeyriyyə məqsədilə fotokamera qarşısına keçib. Axşam.az xarici mətbuata istinadən xəbər verir ki, ifaçı “MAC” kosmetik brendinin reklamına çəkilib. O, reklam zamanı lentə alınmış şəkillərini İnstaqram səhifəsində paylaşıb. Mayli fotolarda bu dəfə uzun saçları və parlaq dodaq boyası ilə diqqət çəkib. Qeyd edək ki, “MAC”ın yeni kolleksiyasının satışından əldə olunan gəlir QİÇS-dən əziyyət çəkənlərə yardım edən fonda bağışlanacaq. Mayli Sayrusun iştirakı ilə markanın əvvəlki kampaniyası ötən ilin oktyabrında baş tutmuşdu.

   Ölümcül "Lyme" xəstəliyinə yoluxan məşhur müğənni Avril Lavin aktiv həyat tərzinə geri qayıdıb. Konsert verməyə hazırlaşan ifaçı boş vaxtında istirahət edir. Avril hovuz kənarında, çimərlik geyimində çəkdirdiyi fotosunu sosial şəbəkədə paylaşıb. İfaçının sağlam göründüyü diqqətdən qaçmayıb. Qeyd edək ki, Lavin qatıldığı proqramlardan birində xəstəliyi haqda bunları danışıb: "Nəfəs ala, danışa, hərəkət edə bilmirdim. Öləcəyimi fikirləşirdim. Ancaq bir neçə həkimə müayinə olunduqdan sonra diaqnoz qoyuldu. İnsanlar niyə bu qədər depressiv olduğumu soruşur".

    Dünyaca məşhur ifaçı Maykl Ceksonun əfsanəvi əlcəyi ABŞ-da keçirilən hərracda satışa çıxarılıb. Mərhum ulduzun ağ, üzəri büllur və başqa dəyərli qaşlarla bəzədilən, yalnız sağ əlinə taxdığı dəri əlcəyinin ilkin qiyməti 20 min dollar olub. O, hərracda 64 min dollara satılıb. Qeyd edək ki, Maykl Cekson müsahibələrinin birində yalnız bir əlcək taxmasının səbəbini belə açıqlamışdı: "Niyə bir əlcək? Bu bir neçə əlcəkdən daha səviyyəlidir". Cekson ölümündən əvvəl məşhur əlcəyini özəl rəssamı Pol Bedarduya hədiyyə etmişdi. 

    Model İrina Şeyk “Love Republic” brendinin 2015-2016-cı illər payız-qış kolleksiyasının reklamına çəkilib. Çəkilişlər Sankt-Peterburq şəhərinin Yusupov sarayında aparılıb. Fotoqraf Mateuş Stankeviç olub. Fotoları yayılan İrina ən çox qırmızı libası bəyəndiyini deyib: “Mən, ümumiyyətlə qırmızı rəngi çox sevirəm və tez-tez də libaslarımda bu rəngə üstünlük verirəm”. 

 

Sevda Məmmədova

 

Muz-Tv.az