Elza Seyidcahan fərqli imici ilə diqqət çəkdi

Əməkdar artist Elza Seyidcahan yenə də fərqli imici ilə diqqət çəkib. 

   Əməkdar artist Elza Seyidcahan yenə də fərqli imici ilə diqqət çəkib. Axşam.az-ın məlumatına görə, müğənni “Azərbaycanın səsi” yarışmasında başına lələklər taxaraq, efirə çıxıb. E.Seyidcahan obrazına “Cənnət quşu” adını verib: “Yenə də Leyla Əhmədovanın ideyasıdır. Obrazımın adı “Cənnət quşu”dur. Əynimdəki libas isə çox bahalı parçadan tikilib. Nadir Qafarzadə məni Şövkət Ələkbərovanın cavanlığına bənzətdi.

   Müğənni Zamiq Hüseynov “Vaxtım bol” adlı mahnısına çəkdirdiyi yeni klipini təqdim edib. Bəstənin sözləri və musiqisi Nadir Nəğd Pula məxsusdur. Z.Hüseynov rep stilində olan mahnını reper Nadirlə duet şəklində oxuyub. Ekran işinin rejissoru Əli Fərhaddır.

   Müğənni Elnur Məmmədov Moskvada azərbaycanlı cütlüyün toyunda oxuyan zaman mikrofonunun işləmədiyini görüb onu yerə çırpıb səhnəni tərk edən tanınmış müğənni Qriqori Lepsə tərəfdaşlıq edib. Sənətçi mikrofonda bu cür problemlərin bəzi həmkarları tərəfindən bilərəkdən yaradıldığını qeyd edib: "Mən heç də qınamıram. Mən də bu stressi yaşamışam. Səs rejissorları var ki, səslənmə ilə işləməyi bacarmırlar. Ya da işlədiyi müğənni tapşırır ki, mən idarə etdiyim toyda qonaq gələn müğənnidə məndən yaxşı səslənmə olmasın. Bu da əsəblərə təsir edir. Cəsarəti catan, özünü doğruldan və ən əsası səsi olan, canlı oxuya bilən müğənnilərdə bu cür vəziyyətlər yaranır. Səhnə arxası o qədər iyrəncliklər var ki... Düşünmürlər ki, Allahın bəndəsinə verdiyi ruzini sən kimsən alasan? Ağıllı olun. Ay pisliklərdən başı ayılmayanlar. Hər bir əməlimizə özümüz cavab verəcəyik. Heç olmasa bunu düşünün, ay ağılsızlar".

    Türkiyədə yaşayan müğənni Safura Əliyeva yeni fotolarını paylaşıb. Həyat yoldaşı ilə çəkdirdiyi şəkilləri şəxsi instagram səhifəsində bölüşən Safuranın xoşbəxt göründüyü də, diqqətdən yayınmayıb.

 

Əhəd Miriyev

 

MuzTv.az