Ledi Qaqa ayaqqabıya 295 min dollar verdi

Müğənni Ledi Qaqa qeyri-adi ayaqqabı kolleksiyasına daha birini əlavə edib. 

    Müğənni Ledi Qaqa qeyri-adi ayaqqabı kolleksiyasına daha birini əlavə edib. Axşam.az xarici mətbuata istinadən xəbər verir ki, ifaçı vaxtilə klipində geyindiyi, piton dərisindən hazırlanmış, “Alexander McQueen”dən olan “zirehli ayaqqabı”nı alıb. Ledi bunun üçün 295 min dollar pul verib. Sənətçinin hərrac yolu ilə aldığı ayaqqabılara verdiyi pul xeyriyyə məqsədilə Nepalda zəlzələdən zərərçəkənlərə xərclənəcək. Ayaqqabılarının fotolarını İnstaqram səhifəsində paylaşan L.Qaqa “Çox istəyirdim ki, onlar mənə qayıtsın. Salamlar olsun “McQueen” yazıb.

    Müğənni Murad Boz, aktyor Burak Özçivit, aktrisa Aslı Enverin baş rollarda oynadığı "Kardeşim benim" filminin çəkilişləri sona çatıb. İllər sonra qarşılaşan iki qardaş haqda olan filmin hazır olması xəbərini Burak verib. O, İnstaqramda "filmimizi bitirdik, əməyi keçən bütün heyətimizin əlinə, ürəyinə sağlıq" yazaraq tərəf müqabilləri ilə fotosunu paylaşıb.

    İllərdir çox yaxın dost olan barbadoslu R&B ifaçısı Rihanna ilə Formula1 pilotu Lyus Hamiltonun sevgili olması haqda xəbərlər yayılıb. "The Sun" qəzeti iddia edir ki, onlar dostluqlarını sevgi ilə əvəz ediblər. Cütlüyə yaxın insanlar isə onların Nyu-Yorkda gizli bir restoranda görüşdüyünü deyirlər.

    Aktrisa Lindsi Lohan Yunanıstan tətilinə davam edir. Mikena adasında dincələn aktrisa sosial şəbəkədə fotolarını paylaşıb. Lindsi retro üslubunda olan ağ-qara zolaqlı bikinisi ilə diqqət çəkib.

 

Əhəd Miriyev

 

MuzTv.az