Natavan Həbibi yeni klipini təqdim etdi

Müğənni Natavan Həbibi “Sən” adlı mahnısına çəkdirdiyi yeni klipini təqdim edib. 

   Müğənni Natavan Həbibi “Sən” adlı mahnısına çəkdirdiyi yeni klipini təqdim edib. Axşam.az-ın məlumatına görə, söz və musiqisi Rəşad Bağırova məxsus olan mahnının ekran həlli Aysu Allahverdiyevaya həvalə olunub. Klipdə N.Həbibi müxtəlif obrazlarda görünür. Ekran işində sənətçinin bacısı qızı Nurel də çəkilib.

   Müğənni İradə İbrahimova dünyaya gələcək oğluna qoyacağı adı açıqlayıb. Sənətçi eyni zamanda ona pəhriz saxlaması ilə bağlı verilən sualları cavablandırıb: “Hamilə qadının pəhriz saxlaması lazımsızdır. Sağlam qidalanmağa çalışdım. Özümü yox, uşağı qidalandırdım. Arada öz istədiyimi də yedim. İpəyin qısqanmaması üçün əlimdən gələni edirəm. Qardaşı ilə bağlı nə olursa, onun da fikrini soruşuram. Alış-verişə çıxdıq, qardaşının qarderobunu bir yerdə topladıq. İndi o da qardaşının doğulmasını səbirsizliklə gözləyir. Dünyaya gələndən sonra nə olacaq bilmirəm. İpəyimi diqqətdən kənar və sevgisiz qoymaq fikrim yoxdur. Nə qədər yorğun, yuxusuz olsam bunu bir formada tarazlaşdıracam. Oğlumun adını bacısı İpək qoyub – Əli. Atası ilə mən də ikinci ad seçdik – Can. İlk övladımda olduğu kimi budəfə də oğlumu təbii yolla dünyaya gətirməyi düşünürəm. Allah ana olmağa hazırlaşan bütün xanımlara kömək olsun”.

   Stilist Samiraldo sosial şəbəkədə söz-söhbətə səbəb olacaq fotolar paylaşıb. Kişi stilist ətək və qadın koftası geyinib, başına çalma bağlayıb, boğazına aksessuar taxıb. Samiraldo bu imicdə küçəyə gəzintiyə çıxıb.

   Məşhur bolqar müğənni Azisin Bakı konserti baş tutub. Azisdən öncə səhnəyə azərbaycanlı skripkaçılar çıxaraq dünya şöhrətli mahnılar ifa ediblər. Daha sonra səhnəyə çıxan Azisi peşəkar rəqqaslar müşayət edib. Tamaşaçılarından razı qalan Azis dəfələrlə Bakıda, Azərbaycanda olmağından məmnun olduğunu bildirib.

 

Əhəd Miriyev

 

MuzTv.az