Aygün Kazımova: “Özlərini səmimi göstərirlər”

Xalq artisti Aygün Kazımova həmkarlarını ikiüzlülükdə günahlandırıb. 

     Xalq artisti Aygün Kazımova həmkarlarını ikiüzlülükdə günahlandırıb. Axşam.az-ın məlumatına görə, müğənni açıqlamasında çoxlarının kamera qarşısında rola girdiyini bildirib:"Kameranın işıqları yanan kimi dəyişirlər. Özlərini səmimi, başqa cür göstərirlər. Amma kamera arxasında tam fərqlidirlər. Süni olurlar. Bəsdirin də... Sevdiyim insanlar çoxdur. Amma onlarla hər gün bir araya gəlmirəm. Mən dostlarımın xoş gününə sevinirəm. Əsas budur".

    Müğənni Sevda Yahyayeva maraqlı açıqlama verib. İfaçı şöhrətin onu dəyişmədiyini bildirib: "Sevinirəm ki, həyatda çətinlik, yoxsulluq görmüşəm. Hansısa uğurumda başım gicəllənmir. Məşhurluq məni dəyişməyib. Kiməsə yuxarıdan aşağı baxmıram. Qazandığım nailiyyətlərin qədrini bilirəm. Çünki onları əziyyətlə əldə etmişəm".

    Müğənni İlhamə Qasımova ən böyük arzusundan bəhs edib. İfaçı diplomat olmaq istədiyini bildirib: "O vaxtlar bu qədər açıq-saçıqlıq yox idi. Ailə həyatı qurdum, düşündüm ki ömrüm bitdi. 17 yaşında həyatım sona çatdı. Amma sonradan başladım düşüncə tərzimi dəyişməyə. Hər şeyi çox istəmək lazımdır. Hər zaman savadımla məşğul olmağa üstünlük vermişəm. Mənim ən böyük arzum diplomat olmaq idi. Amma işdən bezib müğəniliyə gəldim. Çalışdığım hər yerdə uğur qazanırdım, müdir tərifləyirdi. Digər işçilər də paxıllıq edirdi. Həyatda heç bir şey nağıllardakı kimi deyil: soğan-çörək yeyək, xoşbəxt olaq. Hər şeyin arxasında maddiyyat durur. Bu gün pul qazanmayan müğənnilərdənəm. Çünki mənliyimi üstün tuturam. Amma qadın müğənnilər var ki, pulu üstün tutur.

    Müğənni İzzət Bağırzadə sentyabrın 18-də baş tutacaq konsertinin hazırlıqlarına başlayıb. Sənətçi tədbiri ilə bağlı bunları bildirib: “Konsertdəki biletə münasib qiymət qoymuşam ki, insanları incitməyim. Bir ailədə beş insan gəlir, hamısının gücü çatmalıdır. Mən heç vaxt konsertlərimdə ziyana düşməmişəm. Hər zaman ansambldakı musiqiçilərin, dekorasiyanın pulunu satılan biletlərlə ödəmişəm. Avqustun 18-dən sentyabrın 18-nə kimi məşqlərə başlayacağıq. Musiqiçilərin yemək, yol pulu hamısını mən ödəyirəm. Səhnə dekorasiyası isə möhtəşəmdir. Azərbaycanda heç bir müğənni elə səhnədə çıxış etməyib. Hollivud ulduzlarının o cür səhnəsi olub”.

 

Əhəd Miriyev

 

MuzTv.az