Miri Yusif: “Mən ancaq özümlə rəqabətə girərəm”

Regi ifaçısı Miri Yusif iyulun 25-də Yaşıl Teatrda baş tutacaq solo konserti ilə bağlı mətbuat konfransı keçirib. 

    Regi ifaçısı Miri Yusif iyulun 25-də Yaşıl Teatrda baş tutacaq solo konserti ilə bağlı mətbuat konfransı keçirib. Sənətçi gecədə onu sevənlərə gözəl bir gün vəd edib. İfaçı özəl gecəsində duetlərini tək oxumağa qərar verib: “Səhnədə ancaq özüm olacam. Heç bir duet ortağım səhnəyə çıxmayacaq. Hətta duet kimi səsləndirdiyim mahnıları da özüm tək oxuyacam. Tamaşaçı konsertə mənə görə gəlməlidir. Kimlərinsə adından istifadə edib, zalı doldurmaq fikrində deyiləm. Yerlər məhduddur, biletlərin çoxu satılıb. Hətta ailə üzvlərimə də bilet ayıra bilmədim”.Bir vaxtlar səhnəmizin məşhur simaları arasında konsert günlərinin çox olması ilə bağlı rəqabətə Miri Yusif qoşulmaq istəməyib. Regi ifaçısı iddialı açıqlama edərək, tək rəqibi özü olduğunu söyləyib: “Mən ancaq özümlə rəqabətə girərəm. Ötən il konsertim günü yağış yağmışdı. Qorxurdum ki, heç kim gəlməz. Amma zal dolu idi. Əmin oldum ki, qar yağsa da, tamaşaçılar məni dinləməyə gələcək”.

 

Sevda Məmmədova

Elfaq Lələyev

 

Muz-Tv.az