Eldar Qasımov: “Öpüşməyim davamlı olacaq”

“Eurovision 2011” qalibi Eldar Qasımov yeni təqdim etdiyi “Closer” və “Canım” kliplərinin ətrafında gəzən söz-söhbətlərə aydınlıq gətirib.

    “Eurovision 2011” qalibi Eldar Qasımov yeni təqdim etdiyi “Closer” və “Canım” kliplərinin ətrafında gəzən söz-söhbətlərə aydınlıq gətirib. Erotik səhnələrin yer aldığı ekran işi tamaşaçılar tərəfindən birmənalı qarşılanmayıb. Qasımov isə həmin fikirləri təkzib edərək, görüntülərin normal olduğunu açıqlayıb: “ Biz hamımız müasir insanlarıq. Bilirik ki, bağlı qapılar arxasında insanlar özlərini necə aparır və nə ilə məşqul olurlar. Sadəcə insanlara bunu bədii şəkildə göstərmək lazımdır. Biz bu cəmiyyətin bir parçasıyıq. Necə ki, yaxşı, pis, xeyirxah insanlar var və belə insanlar da var”.

Kievdə lentə alınan ekran əsərinin rejissoru Aleks Lamaxdır. Klipdə Eldarın öpüş səhnəsi özəlliklə diqqət çəkib: “Öpüşməyim davamlı olacaq. Mən çalışmırdım ki, hansısa yenilik edib, söz-söhbətlərə səbəb olum. Sadəcə mən istədim ki, bu mahnıda öz daxilimdəki hissləri insanlara çatdırım. Bəlkə də bu bizim ölkə üçün bir yenillik idi. Amma mən bu ekran əsərinə açıq-saçıq yox, çox səmimi klip deyərdim”.

 

Sevda Məmmədova

Elfaq Lələyev

 

Muz-Tv.az