Sofi Loren və Şarliz Teron qırmızı xalçada

Nyu-Yorkda "Dark Places" ("Qaranlıq məkanlar") filminin təqdimatı baş tutub. 

    Nyu-Yorkda "Dark Places" ("Qaranlıq məkanlar") filminin təqdimatı baş tutub. Axşam.az-ın xarici KİV-ə istinadən məlumatına görə, təqdimatda baş rol ifaçısı aktrisa Şarliz Teron da olub. Lakin gecənin sürprizi 80 yaşlı kino ulduzu Sofi Lorenin qırmızı xalçada görünməsi olub. İtaliyalı aktrisanın libası və illərə meydan oxuyan görünüşü bütün diqqəti üzərinə çəkib.

    Avqustun 24-də toya hazırlaşan müğənni Murad Dalkılıçla aktrisa sevgilisi Mərvə Boluğur Bodrumda tətil edir. Cütlük dənizdə kano sürərkən obyektivlərə tuş gəlib. Paparassiləri görən Murad “Bu qədər də olmaz. Bura necə gəldiniz? Halal olsun. Çəkə bilməzsiniz deyə düşünmüşdük, tapdınız bizi. Təbriklər” deyib. Daha sonra yaxtalarına gələn ifaçı jurnalistlərlə selfi də çəkdirib.

    Hamilə olduğu deyilən müğənni Beyons haqqında yayılan xəbərləri geyimi ilə təkzib edib. Son zamanlar daha çox enli libaslara üstünlük verən ifaçı bu dəfə fərqli üslubda geyinib. Nyu-York küçələrində obyektivlərə tuş gələn Beyons bədən cizgilərini ortaya qoyan açıq qəhvəyi rəngli, trikotin libasda olub. Bununla da müğənninin ikinci dəfə hamilə olması xəbərləri təsdiqini tapmayıb. Qeyd edək ki, Beyons reper Cey Zi ilə ailəlidir. Cütlüyün bir qızı var.

    Müğənni Sərdar Ortaç bir müddət əvvəl televiziya proqramlarından birində "Ən böyük peşmanlığım" alandırdığı qumar aludəçiliyindən əl çəkə bilmir. Ramazan bayramı günlərində Kiprdə konsert verən ifaçı otelin qumarxanasına gedərək oyuna qoşulub. Yarım saat içində o, 10 min lirə (təxminən 4 min manat) uduzub.

 

Əhəd Miriyev

 

MuzTv.az