Aygün Kazımova kişi operatorlara səsləndi

Xalq artisti Aygün Kazımova kişi operatorlara səslənib.Axşam.az-ın məlumatına görə, müğənni açıqlamasında kamera sevgisindən danışıb: “Operator olmaq istəyirəm. 

   Xalq artisti Aygün Kazımova kişi operatorlara səslənib.Axşam.az-ın məlumatına görə, müğənni açıqlamasında kamera sevgisindən danışıb: “Operator olmaq istəyirəm. İllərdir səhnədəyəm. Konsertdə, toylarda çıxış edəndə mən tamaşaçıdan çox kameralara işləyirəm. İstəyirəm operatorlara dərs verim ki, qadınları necə çəkmək lazımdır. Qadın gözü ilə kişiyə baxmaq lazımdır deyirlər. Amma elə qadına qadın gözü ilə də baxmaq lazımdır. Kişi operatorlar yerlərini xanımlara versinlər".

    Əməkdar artist Tünzalə Ağayeva konsertinə gəlməyən müğənni Rəhim Rəhimlidən bəhs edib. Sənətçi açıqlamasında bunları bildirib:  “Qəti fikir etməsin. Mən Rəhimi çox istəyirəm. Neçə dəfə zəng etdim, cavab vermədi, telefonu bağlı oldu. Yəqin söndürüb ki, Tünzalə yığmasın. Rəhimi gözləyirdim. Gəlmədiyi üçün səbəbi var idi, başa düşdüm. İnşallah birlikdə müsahibə vermək imkanımız da olar. O gerçək musiqiçidir. Ondan kreativ layihələr gözləyirəm”. Qeyd edək ki, R.Rəhimli T.Ağayevanın konserti günü halının pisləşdiyini və xəstəxanaya aparıldığını, buna görə də tədbirə qatıla bilmədiyini demişdi.

    "Eurovision 2011" qalibi Nigar Camal özü ilə bağlı maraqlı etiraflar edib. İfaçı açıqlamasında bunları bildirib:  "Baxıma çox önəm verirəm. Pəhriz saxlamıram. Əsl azərbaycanlı kimi gözəl yeməkləri sevirəm. Bir oturuma nə qədər qutab yeyə bilərəm. Bizdə arıqlıq nəsildən gəlir. Kökəlsəm, pəhriz saxlayaram.İdmana nifrət edirəm. Təkcə üz baxımına fikir verirəm. Çalışıram ki, 40 yaşına qədər botoks, plastik əməliyyat etdirməyim. Buna görə də üzümə müxtəlif kremlər çəkirəm". *****Müğənni Çingiz Mustafayev uzun saçları ilə vidalaşıb. Hər zaman uzun saçları ilə gitara çalıb, mahnı oxuyan Çingiz bezərək saçlarını kəsdirib. Risk etdiyinin fərqində olan müğənni yeni imicini heyranlarının necə qarşılayacağını düşünür. Qısa saçlarda çəkdirdiyi fotosunu özünün "İnstagram" səhifəsində paylaşan müğənni nigarançılığını belə ifadə edib: "Özümü tanıyandan bəri saçlarımı belə qısa görməmişdim. Nə düşünürsünüz, yaraşdımı?"

 

Əhəd Miriyev

 

MuzTv.az