Aygün Kazımova solo konsertə hazırlaşır

Xalq artisti Aygün Kazımova solo konsertə hazırlaşır. Axşam.az-ın məlumatına görə, bu haqda təşkilatçı Nahid Emiloğlu xəbər verib.

    Xalq artisti Aygün Kazımova solo konsertə hazırlaşır. Axşam.az-ın məlumatına görə, bu haqda təşkilatçı Nahid Emiloğlu xəbər verib. O, maraqlı şou hazırladıqlarını vurğulayıb:“Konsert avqustun 21-də istirahət mərkəzlərinin birində baş tutacaq. Gecədə ilk olaraq səhnəyə “Latina boys” qrupu çıxacaq. Daha sonra Aygün xanım sevilən mahnılarını səsləndirəcək. Konsertin sonunda isə dicey maraqlı mahnılarla qonaqları əyləndirəcək. Bir neçə dəfə Aygün Kazımova üçün konsert etmişəm. Bu dəfə də müğənniyə təklif etdim, o da razılaşdı”.

    Xalq artisti Səməd Səmədov yay istirahətindən danışıb. Ailəsi ilə bölgələrdə dincələn müğənni bahalıqdan şikayətlənib:“Həyat yoldaşım, övladlarım və onların ailəsi ilə bölgələrdə dincəldik. Bir həftə Qax, Zaqatala, Balakəndə gəzdik. Restoranda ofisiant bizə elə yüksək hesab gətirdi ki... Dedim, bu pulla Antalyada bir həftə dincəlmək olardı”.

    Müğənni Röya Ayxan və Cin birlikdə oxuduğu “Zəhləm getmiş” adlı dueti təqdim edib.Bəstənin sözləri Cinin özünə, musiqisi Zeynal Əsədova məxsusudur.

    Xalq artisti Aygün Kazımova ilə işbirliyinə son qoyan prodüser Tolik yeni təkliflər alıb.Bu haqda açıqlamasında prodüser özü bildirib. O, müğənni Günay İbrahimli ilə işləyəcəyi haqda yayılan xəbərlərə də aydınlıq gətirib: “Ətrafda bizim birlikdə çalışmağımızı istəyənlər çoxdur. Eyni zamanda buna görə narahat olanlar da az deyil. Rahat olun, biz dostuq. Amma o narahat olanlara demək istəyirəm ki, onsuz Günay sizlə işləməyəcək. Mənim 36 yaşım var, heç kimə təklif etmərəm ki, birlikdə çalışaq. İstəyən özü müraciət edir. Günayın xətrini çox istəyirəm, aramızda heç vaxt belə söhbət olmayıb. Tanınmış çox ifaçıdan təklif almışam. Hələ ki yeni bir işbirliyi haqda düşünmürəm. Eltonun işləri çoxdur. Elə ifaçı ilə çalışmalıyam ki, Eltonla uyğun gəlsin, toylara birlikdə qatıla bilsinlər”.

 

Əhəd Miriyev

 

MuzTv.az