Xalq artisti Nisə Qasımova “Plastik əməliyyat etdirməmişəm”

Xalq artisti Nisə Qasımova sosial şəbəkədə görünüşü ilə bağlı ona yazılan iradlara cavab verib. 

     Xalq artisti Nisə Qasımova sosial şəbəkədə görünüşü ilə bağlı ona yazılan iradlara cavab verib. Axşam.az-ın məlumatına görə, müğənni yeni fotosunu paylaşaraq, heç vaxt botoks,plastik əməliyyat etdirmədiyini yazıb: “Mənim əzizlərim,bu 2 gün öncə ofisdə çəkdirdiyim şəkildir. Mən heç bir botoks,gel,plastik əməliyyat etdirməmişəm. “Azərbaycanın səsi” müsabiqəsindəki qara parik və ona uyğun makiyaj bir günlük kaprizim idi. Düşünürəm ki,Alla Pukaçovanın repertuarından oxuduğum mahnını öz dolğun sarı saçlarımla oxusaydım,ona da başqa rəy verərdiniz. Təəssüf ki...”.

    Türkiyədə yaşayan azərbaycanlı müğənni Günel Zeynalova sosial şəbəkədə 17 il əvvəl çəkilən fotosunu paylaşıb. Fotodan da aydın görünür ki, keçən 17 il yalnız Günelin xeyrinə işləyib. Belə ki,ötən illər ərzində daha da gözəlləşən ifaçı indiyədək heç bir cərrahi və estetik müdaxilə etmədiyini də bildirib. 13 yaşlı Günellə bugünkü Günelin fərqi yalnız qaşlarındadır: "Uşaqlıq şəklimdir. 1998-ci il. Şəkildə 13 yaşım var. Hazırda 2015-ci ildir. Bu fotonu heyranım göndərib. Mən də paylaşmaq istədim. Burada yalnız qaşlarım boldur. Bu illər ərzində yeganə dəyişiklik qaşlarımı təmizləməyimdir. Bu qədər... Estetik əməliyyat varmı? Dişimdə, burnumda,çənəmdə nəsə dəyişib? Vallah,yox... Mən də böyüdüm. Amma yenə də şəkər kimiyəm. Kaş məktəbdə dostlarım bilərdilər ki,belə olacağam. Hər birimizin belə fotoları var".

    Müğənni Gülay Zeynallı yay istirahətindən danışıb. İfaçı açıqlamasında bunları bildirib: Bu yaxınlarda Türkiyə istirahətindən qayıdan G.Zeynallı Azərbaycanda dənizə gedə bilməməkdən şikayətlənib: “Ölkəmizin elə bölgələri var ki,heç bir ölkəyə dəyişmək olmur. Təbiətimiz çox gözəldir. Amma burada istirahət edə bilmirəm. Axırıncı dəfə Bakıda dənizdə nə vaxt olmuşam bilmirəm. Mən tanınmış simayam,sənətçiyəm, ən əsası isə xanımam. Hərənin əlində bir telefon var. Şəkil çəkib,sosial şəbəkədə yayırlar. Buna görə də tanınmışlar üçün burada sərbəst dincəlmək mümkün deyil. Mən də Türkiyədə dincəlirəm”.

    Yenicə ana olan müğənni Emma Ələkbəzadə yeni fotolarını paylaşıb. İfaçının çəki itirməsi də diqqət çəkib. E.Ələkbərzadə hamiləlik vaxtı 8 kiloqram kökəldiyini bildirmişdi. Qeyd edək ki,müğənni 2012-ci ildə Emil Çingiz adlı şəxslə ailə qurub. Cütlük ötən ay dünyaya gələn oğluna David adını qoyub.

 

Əhəd Miriyev

 

MuzTv.az