Natavan Həbibi və Nadir Qafarzadə qocalar evinə baş çəkiblər

Müğənni Natavan Həbibi və Nadir Qafarzadə Bilgəhdə yerləşən müharibə və əmək əlilləri üçün pansionata yollanıb, yaşlı sakinlərə baş çəkiblər.

   Müğənni Natavan Həbibi və Nadir Qafarzadə Bilgəhdə yerləşən müharibə və əmək əlilləri üçün pansionata yollanıb, yaşlı sakinlərə baş çəkiblər.Axşam.az-ın məlumatına görə, ifaçılar onlar üçün iftar süfrəsi açıb, konsert veriblər. Təəssüratlarını bölüşən Natavan Həbibi kədərləndiyini bildirib: “Sevdiyim sənət dostlarımla birlikdə qocalar evini ziyarətə getdim. Çox kədərləndim. Çünki onlar qocalar evində yox, isti ocaqlarında, övlad, nəvə əhatəsində əyləşməli idilər. Ata və ana insanın yer üzündə var olmasının səbəbkarıdır. Onlara qayğı göstərmək övladın borcudur. Nə etsək də bu borcdan çıxa bilmərik. Böyükləriniz üçün sağlığında nəsə edin. Allah bütün valideynlərə ömür versin. Etdiyimiz əməllər bir gün mütləq qarşımıza çıxacaq”.

    “Mədəniyyət insanın qanında olmalıdır, canından gəlməlidir. Sənətə gəldim, amma dəyişə bilmədim. Deyirlər ki, bəzi hallara ayaq uydurmalısan, şitlik etməlisən. Bura uyğun ola bilmədim”. Bu sözləri müğənni İradə İbrahimova verilişlərin birində  qonaq olarkən deyib.  Sənətçi ünvanına deyilən tənqidi sözlərdən şikayətlənib: “Durduğum yerdə mənə qabiliyyətsiz deyirlər. Niyə? Heç kim deyə bilməz ki, İradə mənə qarşı hörmətsizlik edib. Mən hazırcavab, dalaşqan insan deyiləm. İnsan var ki, hər an istədiyi addımı ata bilir. Mən bunu bacarmıram. Bundan utanmıram, əksinə fəxr edirəm. Qadın özünü xanım kimi aparmalıdır”.

    Müğənni Elton Hüseynəliyevlə Zamiq Hüseynovun küsülü olduğu ortaya çıxıb.  “Aramızda həmişə buzlar olub, arada əridirik. Amma soyuducuda dondurub saxlamışıq. Ürəyitəmiz insandır. Münsaibətlərimiz yaxşıdır. Zamiqə bir dəfə iradımı bildirdim. Keçmişdə olub. Müəllim deyiləm ona məsləhət verim. Sadəcə fikrimi dedim. Zamiq də mənə irad bildirsəydi, qəbul edərdim”

    Xalq artisti Brilliant Dadaşova bəstəkar Fikrət Əmirovun “Neyləmişəm” mahnısını Türkiyədə işıqüzü görən yeni albomuna daxil edib. İfaçı xalq artisti İlhamə Quliyevanın qadağasına baxmayaraq, həmin mahnını verilişlərin birində oxuyub.

Qeyd edək ki, primadonna həmkarına bu mahnını oxumağa qadağa qoyub, Brilliant Dadaşovanın bu mahnını efirdə ifa edəcəyi halda onu məhkəməyə verəcəyini bildirib.

Xatırladaq ki, mahnının varisi, Fikrət Əmirovun oğlu Cəmil Əmirov müsahibəsində atasının “Neyləmişəm” mahnısını oxuması üçün  Brilliant Dadaşovaya icazə verdiyini demişdi.

 

Elyar Sadıqlı

 

Muz-Tv.az