Röya Ayxan iki gün konsert verəcək

Müğənni Röya Ayxan 21-22 avqust tarixində Yaşıl Teatrda konsert  verəcək.

   Müğənni Röya Ayxan 21-22 avqust tarixində Yaşıl Teatrda konsert  verəcək. Bu barədə  Röyanın prodüseri Kənan Bayramov məlumat verib: " Yaşıl Teatrda yay konsertlərinə start verilib. Avqustun 9-u Sevda Yəhayayeva, 21, 22-si Röya Ayxan səhnədə çıxış edəcək. Bir neçə ifaçının da konserti olacaq, hələ ki adları açıqlamırıq".Qeyd edək ki, Yaşıl teatrda baş tutan konsertləri "Kevents Group" təşkil edəcək. 

   Əməkdar artist Lalə Məmmədova bu yay bağ evində dincələcək. “Bağımda dincəlirəm. Ustaları yığıb, evimə tökmüşəm. Hazırda təmir işləri gedir. Əslində bağım hazırdı, sadəcə xırda işləri qalmışdı. Amma buna baxmayaraq yaradıcı işlərimi geri atmıram. Faiq Sücəddinovun Nazimin sözlərinə bəstələdiyi yeni mahnı üzərində işləyirəm. Başqa planlarım da var".

    Rəqqasə Fatimə Fətəliyeva övladları ilə istirahətə yollanıb.  Axşam.az-ın məlumatına görə, şəkillərini sosial şəbəkədə paylaşan sənətçi “Balalarımla istirahətdə, Batumi” sözlərini yazıb.

    Əməkdar artist Abbas Bağırov dostu Anar Məmmədovun Qubadakı məkanında dincəlir.Müğənni istirahət mərkəzində çəkdirdiyi fotoları sosial şəbəkədə paylaşıb.  O, Anar Məmmədovla qolf oynayarkən lentə alınan şəklə “Dəyərli Anar Məmmədovla gözəl bir gün keçdi. Azərbaycanımızın səfalı, gözəl bölgələrindən olan Qubada qolf klubundayıq. Burada qolf oynamaq başqa bir zövqdür" sözlərini yazıb.

 

Elyar Sadıqlı

 

Muz-Tv.az