“Bakı-2015”in paradı keçirildi

“Bakı-2015” Avropa Oyunlarının könüllülərinə və Azərbaycan yığmasının idmançılarına həsr olunmuş “Tarix yazdıq! Tarixə yazıldıq!” şüarı altında parad keçirilib. 

    “Bakı-2015” Avropa Oyunlarının könüllülərinə və Azərbaycan yığmasının idmançılarına həsr olunmuş “Tarix yazdıq! Tarixə yazıldıq!” şüarı altında parad keçirilib. Gecədə səhnəyə ilk olaraq, "Eurovision" təmsilçiləri Səbinə Babayeva və Fərid Məmmədov çıxaraq, "Azərbaycan himni"ni səsləndiriblər.

    Gənclər və İdman Nazirliyinin, birinci Аvropa Oyunları Əməliyyat Komitəsinin təşəbbüsü ilə təşkil edilən tədbir iki hissədən ibarət olub. Tədbirin birinci hissəsində Azərbaycan idmançılarının və Avropa Oyunlarının könüllülərinin iştirakı ilə Bakı İdman Sarayından başlayan “Bakı-2015” paradı Dənizkənarı Milli Parkda, Saat qülləsinin yanında yekunlaşıb. Konsertdə sənət aləminin tanınmış simaları mahnılar səsləndirib.

   Gecənin xüsusi qonağı italyan müğənni İnqrid olub: “Axırıncı dəfə iki həftə əvvəl Bakıda olmuşam. Təsüratlarım çox gözəldir. Bakını, Azərbaycan xalqını çox sevirəm. İlk öncə onu deyim ki, Avropa oyunlarını keçirtmək heç də asan iş deyildi. Bü gün də həm könüllülər üçün, həm də atletlər üçün buradayam. Onları sevindirmək üçün gəlmişəm”.

 

Sevda Məmmədova

Çingiz Abdullayev

 

Muz-Tv.az