Röya Ayxan və Aygün Kazımova arasında növbəti soyuq savaş

Küsülü ifaçılar Röya Ayxan və Aygün Kazımova arasında "soyuq müharibə" davam edir.

     Küsülü ifaçılar Röya Ayxan və Aygün Kazımova arasında "soyuq müharibə" davam edir. İllər öncə barışıq cəhdləri baş tutmayan iki sevilən ifaçı bir-birilərindən kənar gəzirlər. Lakin bu sükut pozulub. Xalq artisti Aygün Kazımovanın  poverliftinq üzrə dünya çempionu Ceyhun Vəliyevlə idman zalındakı fotosessiyası Röyanı bu sükutu pozmağa məcbur edib. Röya xalq artistinin bostanını daşlayıb. Belə ki, İnstagram profilində Röya Ayxan belə paylaşım edib: "Abulya deyirəm, gəl ikimiz məşq edib, "boevik" klipi çəkdirək”. Röyanın bu paylaşımına fanatları da biganə qalmayıb. 

     Müğənni Elvin Abdullayev türkiyəli ifaçı Fərhad Göçərə mahnı yazıb. “Elə vaxtdır ki, hər kəs istədiyi insanla əlaqə qura bilər. Bəstədən bir parçanı Türkiyədə yaşayan dostuma göndərdim. O da Fərhad Göçərin köməkçisinə yollayıb, dinlətdirib. Onlar da bütöv versiyanı istədilər. Amma “Adına şeir yazıram” adlı bəstəni özüm səsləndirdim. Çünki çox qəşəng olduğunu gördüm. Onlara da dedim ki, "Üzrlü hesab edin, mahnını özüm oxudum".

     Müğənni Bahar Lətifqızı ana olub. Bu barədə ifaçı özü məlumat verib: "Ana oldum. Bir balaca mələk kimi qızım dünyaya gəldi. Övladım da, mən də yaxşıyam. Qızıma Turanə adı qoyacağam".Xatırladaq ki, ifaçı bundan qabaq da ailəli olub və onun bir qız övladı da var. 

     “Bu şəhərdə” komandası növbəti konsertinin vaxtını açıqlayıb. Əməkdar artist Rafael İsgəndərov və Coşqun Rəhimovun yer aldığı teatr oktyabrın 8, 9, 10, 11 və 12-də Heydər Əliyev Sarayında baş tutacaq. Saat 19:00-da başlayacaq konsertə biletlərin qiyməti 10 manatdan 100 manata kimidir.

 

Elyar Sadıqlı

 

Muz-Tv.az