Faiq Ağayevi özündən çıxardılar

Xalq artisti Faiq Ağayev sənətindəki yerinə göz dikənlərə xəbərdarlıq edib: “Deyirlər Faiq Ağayevin qatarı gedib. 

    Xalq artisti Faiq Ağayev sənətindəki yerinə göz dikənlərə xəbərdarlıq edib: “Deyirlər Faiq Ağayevin qatarı gedib. Faiq Ağayevin qatarı getsəydi, 4 gün nədir, heç 4 dəqiqə tamaşaçı toplaya bilməzdi. Bəzi insanlar illərdir ürəklərində saxladıqlarını zaman keçdikcə gerçək görürlər. Nənələr, babalar yaxşı deyib: “Filankəsin arzusu ürəyində qaldı”. Sənətə gələndə heç kimin yerinə göz dikməmişdim. Kimsə kimisə təqlid edə bilər. Amma onu özü kimi qəbul edən olmayacaq. İnsan olduğu kimi davranmalıdır. Sənətdə əsl Faiq Ağayev var, axı. Şükür ki, “kitayski” Faiq Ağayevlər yoxdur. Mənim pozanım, baltam, qılıncım mahnılarımdır. Onlarla elələrini silmişəm ki...”.

    Müğənni Xumar Qədimova şou biznes aləmində dostu olmadığını etiraf edib."Saxta ətraf lazımsızdır. Elə məclis olub saxta insanlarla rastlaşmışam, görmüşəm ki, bir-birinin arxasınca danışırlar. Mən həmişə deyirəm, hal əhliyəm. Cüzi bir şeydən əhvalım pozula bilər. İtələyirsən, yenə gəlirlər, nəsə var yəqin...".

    Müğənni Mətanət İsgəndərli bundan sonra Mətanət Mələk kimi də fəaliyyət göstərə bilər. İfaçı "Mələk" təxəllüsünün ona rəfiqəsi və həmkarı Nüşabə Ələsgərlinin söylədiyini bildirib: "Nüşabə mənə deyəndə ki, sən bir mələksən, çox kövrəldim. Pis oldum. Ancaq mələk sözünü o qədər çox bəyəndim ki... Bundan sonra Mətanət Mələk olum bəlkə?!".

     Müğənni Namiq Qaraçuxurlu özünü yaraşıqlı hesab etmir. Meyxanaçı “Şou-biznesdə sizə aşiq olan xanımlar var” sualına belə cavab verib: “Ola bilər. Mənim günahım deyil ki... Nə edim, evdən bayıra çıxmayım? Mən yaraşıqlı deyiləm. Sadəcə, məndə nəsə cazibə var. Hamısı da özüməməxsusluqdur. O qədər yaraşıqlı insanlar var ki... Danışığım, yazdığım başqalarından fərqlənir. Buna görə sevilirəm. Heç vaxt nə dostluqda, nə də sevgidə xəyanət etmişəm. Hətta bəzən onların xəyanətini də öz boynuma götürmüşəm”. Namiq Qaraçuxurlu daha sonra “Meyxana deyən vaxtlarımdan mahnılar yazırdım. Hamı soruşurdu ki, niyə qəmli bəstələr yazırsan? Düşünürdülər ki, şəxsi həyatında nəsə var, ondan qaynaqlanır. Buna görə də şəxsi həyatım insanlara maraqlı olub” deyə, əlavə edib.

 

Elyar Sadıqlı

 

Muz-Tv.az