Azərbaycana gəlişi Oksana Rəsulovanı səbrsiz edib

Rəqqasə Oksana Rəsulova səbrsiz olduğunu etiraf edib. Rəqqasə səbrsiz olduğu üçün bəzən vicdan əzabı çəkdiyini də açıqlayıb...

    Rəqqasə Oksana Rəsulova səbrsiz olduğunu etiraf edib. Rəqqasə səbrsiz olduğu üçün bəzən vicdan əzabı çəkdiyini də açıqlayıb:  "Çox səbrsiz insanam. elə zaman olur ki, adi taksi sürücüsünün üstünə belə qışqıra bilərəm. Halbuki, evə gələndə vicdan əzabı çəkirəm. Allaha yalvarıram ki, keç günahımdan, bağışla məni. Hər zaman Allahdan səbr arzu edirəm. Heç səbrim yoxdu da... Bəlkə də Azərbaycana gələndən sonra səbrim tükənib. 2008-ci ildə Azərbaycana gəlmişəm. Mən çox məsuliyyətli, rol oynamayan biriyəm. Belə insanları görəndə əsəb vurur başıma...".

    Müğənni Sevda Sanəliyeva uzun fasilədən sonra ilk dəfə fotosunu paylaşıb. Fevralda ana olan ifaçı 3 ay sonra anasını itirmişdi. Bu səbəbdən Sevda bir müddətdir ki, efirlərə çıxmır. Qeyd edək ki, fevralın 27-də S.Sanəliyevanın Elgün adlı oğlu dünyaya gəlib. Sevdanın anası Rəhilə Həmidova mayda dünyasını dəyişib. İfaçının anası böyrək çatışmazlığından əziyyət çəkirdi. 

    Müğənni Rüfət Axundov avtomobil sevgisindən bəhs edib.Axşam.az-a açıqlama verən sənətçi hobbisinin maşın və geyim olduğunu bildirib: “Həyatda tək marağım avtomobillər və geyimdir. Qorxuram ki, dünyamı tez dəyişərəm, doyunca istədiyim maşınları sürmərəm. Ona görə də tez-tez avtomobilimi dəyişirəm. Nəsə yeni maşın çıxırsa, alıram, 5-6 ay sürüb satıram”. Yay istirahətindən söz açan Rüfət Axundov Pataya adasında dincələcəyini bildirib: “Bölgələrimizdə dincəldim. Şamaxıda, Xaçmazda oldum. Hər il xaricə gedirdim, indi isə Bakıda hər şey var: hovuz, otel, dəniz. Amma bu yaxınlarda dostlarımla Pataya adasına gedəcəm. Neçə vaxtdır ailəmlə dincəlirəm, indi dostlarıma vaxt ayıracam”.

   Müğənni Manana Caparidze 3-cü dəfə ana olmaq istəyindən danışıb.İfaçı həm həyat yoldaşının, həm də ki, özünün uşaqları çox sevdiyini bildirib: "Hələ yox, ancaq mən deməklə deyil ki... Kim bilir, bəlkə də tezliklə 3-cü dəfə ana olacağam.  Qismət. Uşaqlar həyatdı, stimuldu, gözəllikdir. Biz uşaqlarımızla yaşayırıq. Onlar gəzəndə, güləndə biz xoşbəxt oluruq, yaşadığımızı hiss edirik. Qızım rəqs edir, mahnı ifa edir. Gürcüstanda efirlərə çıxır. Mən çalışıram ki, uşaqlarım gözəl insan olsunlar. Uşaq vaxtından sənətdədirsə deməli o çox uğurlu ifaçı ola bilər. Qızım birinci sinifə gedir. Məktəbdə onun barəsində mənə o qədər gözəl xasiyyətnamə təqdim etdilər ki, istədim sevincimdən uçum. Hətta qızıma "siz" deyə müraciət etmək içimdən gəldi. Bilirəm ki, qızım düz insan olacaq". Xatırladaq ki, Mananın bir qızı, bir oğlu var.

 

Elyar Sadıqlı

 

Muz-Tv.az