Fərid Məmmədov yenidən efirlərə qayıdır
“Eurovision 2013” təmsilçimiz Fərid Məmmədovdan xəbər var. Axşam.az-ın məlumatına görə, uzun müddətdir sənətdən uzaqlaşan müğənni...
“Eurovision 2013” təmsilçimiz Fərid Məmmədovdan xəbər var. Axşam.az-ın məlumatına görə, uzun müddətdir sənətdən uzaqlaşan müğənni yaradıcı işlərinə geri qayıdacağını deyib: “Xaricdə idim. Azərbaycana qayıdıb, “Bakı 2015”də iştirak etdim. Albom çıxarmağı planlaşdırıram. Yeni mahnılar hazırlayacam. İstəyirəm bir az mahnılar yığım, sonra mini konsertlər verim. Avropada da, Bakıda da konsertlər fikirləşirəm. 2013-cü ildə müsabiqədən qayıdandan sonra fikirləşdim ki, idmana qayıdım. Bir vaxtlar güləşlə məşğul olmuşam. İki il hazırlaşsam, lisenziya ala bilərəm. Hələ 23 yaşım var. Mənim üçün həyatda olmayan hec nə yoxdur. Boş işlərlə məşğul olmuram. Əsas odur çalışıram"
Bir müddətdir gündəmdən uzaqlaşan xalq artisti Aygün Kazımovadan yeni xəbər var.Bakıda olan və vaxtını istirahətə sərf edən müğənni solo konsertə hazırlaşır. İfaçının prodüseri Tolik tədbirin Nabranda baş tutacağını bildirib: “Ramazan ayından sonra “Bir parça keks” adlı şou edəcəm. Maraqlı bir ideyam var. Səhnəyə gəlişi fərqli olacaq. Aygün xanım boyda maket formasında keks düzəltdirəcm. Onun içindən çıxacaq. Şounun sonunda isə bütün qonaqlara keks paylanacaq. Möhtəşəm bir gecə planlaşdırmışam".Tolik xalq artistinin son zamanlar sosial şəbəkədən uzaqlaşmasına da münasibət bildirib: “Aygün xanıma sosial şəbəkə heç vaxt maraqlı olmayıb. Nəsə yazırlar, söyürlər, deyirəm ki, silin. Deyir “Mən üç-dörd adama görə, Aygün Kazımova olmamışam ki”. Heç şəkil də paylaşmır. O, elə xırdalıqlara gedən deyil”.
Aparıcı Xoşqədəm Hidayətqızının müğənni həyat yoldaşı Doğuş xalq artisti Alim Qasımovla bir araya gəlib. Türkiyəli ifaçı birlikdə fotolarını sosial şəbəkədə paylaşıb. O, şəklə “Alim Qasımovun gözəl nəvəsi və mən. Gözəl bir yay axşamı. Fotonu çəkən həyatım Xoşqədəm Hidayətqızına təşəkkür edirəm” sözlərini yazıb.
Müğənni Roza Zərgərli Qırğızıstanda, Çolpon-Atedə şəhərində keçiriləcək ikinci “Meykin-Asiya” beynəlxalq festivalına münsif qismində dəvət alıb.O, qeyd edib ki, festivalın təşkilatçılar komitəsinin üzvləri sırasında məmurlar, mədəniyyət xadimləri və teleşirkət təmsilçiləri yer alıb.Festivalda Asiya və Avropanın ən yaxşı ifaçıları ilə bərabər, Azərbaycanın, Türkiyənin, Rusiyanın, Cənubi Koreyanın, Çinin və Yaponiyanın təmsilçiləri iştirak edəcək. Roza Zərgərli ölkəmizi təmsil edəcək iştirakçının yaxın günlərdə “BEN production” tərəfindən seçiləcəyini vurğulayıb. Festivalın son günündə Roza Zərgərli səhnəyə çıxacaq və mahnılarını oxuyacaq.
Elyar Sadıqlı
MuzTv.az