Eldar Qasımov açıq-saçıq şəkilləri ilə diqqəti çəkib

“Eurovision 2011” qalibi Eldar Qasımov yeni fotosessiya etdirib.Müğənninin yarıçılpaq şəkilləri diqqət çəkib.

    “Eurovision 2011” qalibi Eldar Qasımov yeni fotosessiya etdirib.Müğənninin yarıçılpaq şəkilləri diqqət çəkib. Qeyd edək ki, Eldar Qasımovun bir müddət əvvəl “Closer” (“Yaxın”)  və “Canım” adlı mahnılarına çəkdirdiyi klipi də səs-küyə səbəb olmuşdu. Erotik səhnələrin yer aldığı ekran işi tamaşaçılar tərəfindən birmənalı qarşılanmayıb.

     Əməkdar artist Tünzalə Ağayevadan yeni xəbər var.Axşam.az-a açıqlamasında müğənni sinql hazırladığını bildirib: “Sən tanımadığım doğmammısan” adlanan mahnı üzərində çalışıram. Musiqisi mənə, aranjimanı Emin Kərimiyə məxsusdur. Sentyabrın əvvəlində sinql şəklində işıq üzü görəcək. Hər mahnımda bir mesaj olur. Bu bəstədə isə belə hallar olmayacaq. Sevgidən bəhs ediləcək. Sözlər haqqında geniş danışmaq istəmirəm. Tamaşaçılara sürpriz olsun. Regi üslubundadır". Tünzalə Ağayeva yay istirahətinə hazırlaşdığını da bildirib: “Sinq üçün hazırladığım mahnım başa çatdıqdan sonra xaricə gedəcəm. Qızımla birlikdə dincələcəm. Qayıtdıqdan sonra da yeni işimi təqdim edəcəm”.

    Müğənni Xuraman Şuşalı sosial şəbəkədə övladlarının fotosunu paylaşıb. İstirahətdə olan ifaçı şəhər üçün darıxdığını da vurğulayıb. Qeyd edək ki, rejissor Elçinlə ailə quran ifaçının Məhəmməd Mehdi və Abbas adlı iki oğlu, Surə adlı qızı var.

    Müğənni Rəqsanə İsmayılova yeni biznesə başlayır. Sənətçi bundan sonra iş qadını kimi də gündəmə gələcəyini bildirib: “Bu yaxınlarda gözəllik salonum açılır. Artıq təmir işləri, bütün hazırlıqlar başa çatıb. İyulun 15-də fəaliyyətə başlayır. Eyni zamanda da restoran biznesinə başlayacam. Gözəl bir məkandır. Hazırda təmir işləri aparılır. Həftədə bir dəfə yerli müğənnilərimizin iştirakı ilə qonaqlara canlı musiqi təqdim ediləcək”. Bir vaxtlar qızı Aysunun nişanlanacağını deyən Rəqsanə İsmayılova bundan da söz açıb: “Qızım Türkiyədə qalır. Üç-dörd günlük Bakıya gəlib, yenə qayıdacaq. Hələ qızıma toy etmək fikrim yoxdur, tezdir”.

 

Elyar Sadıqlı

 

Muz-Tv.az