Abbas Bağırov evlənir

Əməkdar artist Abbas Bağırov toya hazırlaşır.Axşam.az-ın məlumatına görə, müğənni məclisin mediaya qapalı olacağını deyib:“Toy haqda geniş

    Əməkdar artist Abbas Bağırov toya hazırlaşır. Axşam.az-ın məlumatına görə, müğənni məclisin mediaya qapalı olacağını deyib:“Toy haqda geniş danışmaq istəmirəm. Şəxsi həyatımın, ailəmin içinin mediada işıqlandırılmasını sevmirəm. Mənim mülküm, avtomobilim gündəmə gəlməz. Könül Kərimova toyla bağlı hər şeyi bilir. Ona etibar edirəm deyə, açıqlamışam. Qeyri-adi bir toy olacaq. Məclisdən müəyyən görüntüləri efirlərə təqdim edəcəm ki, xəbərləri olsun”.

    Müğənni Ayan Babakişiyeva ailəsi ilə birlikdə istirahətə yollanıb.Sənətçi əvvəlcə Gəncəyə, daha sonra isə Daşkəsənə getdiyini bildirib: “Daşkəsənə qonaq çağrılmışdım. O qədər xəmir xörəkləri yemişəm ki... Çəkim artıb. Bu neçə vaxtda saxladığım pəhriz puç oldu”.

    Əməkdar artist Elza Seyidcahanın qızı Gülşən anasını ad günü münasibəti ilə təbrik edib.47 yaşını qeyd edən müğənnini ilk təbrik edən qızı Gülşən olub. O, anası üçün “Dünyanın ən gözəl anası” sözləri yazılan diplom hazırlatdırıb. Hədiyyəsini sosial şəbəkədə paylaşan Gülşən bunları qeyd edib:“Bu gün canım anamın ad günüdür. Onu çox sevirəm. Nə yaxşı ki, varsan. Allahıma hər gün şükr edirəm ki, belə anam var. Allah onu həmişə qorusun, başımızın üstündən əskik etməsin. Gözəl ürəyi var. Ana, həyatın bütün yaxşılıqları sənin olsun”.Qeyd edək ki, Elza Seyidcahan 1968-ci ildə Siyəzəndə anadan olub. Bir dəfə ailə qurub və ayrılıb. Qızı ilə yanaşı Əkbər adlı bir oğlu da var.

    Müğənni Xatirə İslam ailəsi ilə birlikdə Antalyada istirahət edir.Bir neçə gün əvvəl ayaqlarının fotosunu paylaşan sənətçi, indi də makiyajsız şəklini yayıb. Xatirə İslam fotolarına görə onu qınayanlara da cavab verib:“Şəkil paylaşanda həmin an içinizdəki paxıllığı üzə vurmayın. Allah bilir kimə nə vermək lazımdır. İnsana bəxtəvərçilik verməyin. Şəkil qoyulanda baxın keçin, bəyənmirsiniz izləməyin. Bu sözlərim bəzilərinə aiddir. Bir insan ki, hamamla küçəni səhv salır, ona nə deyim”.

 

Elyar Sadıqlı

 

Muz-Tv.az