Ancelina Coli “çariça” olacaq

“Oskar” mükafatlı aktrisa Ancelina Coli “Möhtəşəm” ləqəbli rus çariçası II Katerinanın obrazını canlandıracaq. 

     “Oskar” mükafatlı aktrisa Ancelina Coli “Möhtəşəm” ləqəbli rus çariçası II Katerinanın obrazını canlandıracaq. Axşam.az xarici mətbuata istinadən xəbər verir ki, Qış sarayındakı eşq macəraları və kişilərə olan vurğunluğu ilə tanınan çariça 1762-1796-cı illərdə Rusiya İmperiyasını idarə edib. Qalmaqallı münasibətləri səbəbindən “nemfomanyak” kimi tanınan Katerina feminizmin simvolu da adlandırılır.  Film ingilis yazıçı Saymon Sebaq Montefiorenin “Möhtəşəm Katerina və Potyomkin: imperial eşq hekayəsi” kitabı əsasında çəkiləcək.

     Apreldə dünyasını dəyişən müğənni Kayahanın ilk evliliyindən olan qızı Bəstə Açar atasının var-dövlətinin siyahıya alınması üçün məhkəməyə müraciət edib. Mövzuyla bağlı danışmaq istəməyən ifaçının qızı “Prosedura uyğun atılmalı addımdır. Bu işlərlə vəkilim maraqlanır, əlavə məlumatım yoxdur” deməklə kifayətlənib. Kayahanın həyat yoldaşı İpək Açar belə bir məhkəmə prosesinin başladığını təsdiq edərək “Bu, sadəcə var-dövlətin müəyyən olunması ilə əlaqədar başlayan prosedurdur. Hər hansı miras tələbi hələ ki, irəli sürülməyib” söyləyib.

    Türkiyəli aktrisa Nurgül Yeşilçay yaxtada dincələrkən paparassilərin fotokamerasına tuş gəlib. Ötən il çimərlik geyimində fotoları çəkiləndən sonra istirahət mərkəzini tərk edən Yeşilçay bu dəfə sərt reaksiya verməyib. Bodrumda dincələn aktrisa sevgilisi Özgür İnal və oğlu Osman Nejatı da özü ilə aparıb.

    Türkiyəli aktyor Çağatay Ulusoyun voleybolçu Özge Ertözlə sevgili olması ilə bağlı xəbərlər yayılıb. "Medcezir" serialı bitdikdən sonra "Delibal" filminə çəkilməyə hazırlaşan aktyor tərəf müqabili Leyla Lidya Tuğutluyla bir araya gəlib. Birlikdə şəkillərinin çəkilməsini istəməyən Çağatay və Leyla restorandan ayrı-ayrı qapılardan çıxıb. Jurnalistləri qarşısında görən Ulusoy haqqında çıxan şayiələrə münasibət bildirib: "Özge ilə bağlı haqqımda çıxan xəbərlər tamamilə yalandır. Onunla aramızda heç bir şey yoxdur".

 

Sevda Məmmədova

 

Muz-Tv.az