Aybəniz Haşımova istirahət üçün Türkiyəni seçib

Əməkdar artist Aybəniz Haşımova Türkiyədə təhsil alan qızı Aynişanın yanına  yollanıb.

    Əməkdar artist Aybəniz Haşımova Türkiyədə təhsil alan qızı Aynişanın yanına  yollanıb. Axşam.az-ın məlumatına görə, müğənni çəkdirdiyi fotoları sosial şəbəkədə paylaşıb. Aybəniz Haşımova eyni zamanda İstanbulda yaşayan azərbaycanlı aktrisa Məlahət Abbasova ilə də görüşüb.

    Verilişlərin birində qonaq olan xalq artisti Məleykə Əsədova ondan borca pul istəyənlərdən bəhs edib:“İnsanlar var ki, adamdan çox umurlar. Qarşılıq verməyəndə isə inciyirlər. Dünən biri İnstaqramda yazıb ki, nə mən, nə də həyat yoldaşım işləyir. Bizə 2 min manat kömək edərsiz? Mən aktrisayam, hardan alım? Verirəm iş yerinin nömrəsini ki, get çalış. Deyir, “Mən oxumamışam”. O adama pul versəm, gəl pəncərəmi sil, mənə etiraz edər ki, sənin üçün pəncərə silənəm? Hamı nazir, həkim, alim ola bilməz. Hərənin bir peşəsi var. Əsas odur ki, çalışıb, pul qazanasan”.

    Müğənni Samir Bağırov və Rəqsanə İsmayılova bir araya gəlib. Uzun müddətdir gündəmdən uzaqlaşan Samir Bağırov həmkarı ilə işbirliyinə başlayacağı ilə bağlı xəbər verib: “Hər dəfə yeni işlərimlə səhnəyə qayıdacağımı deyirəm, amma bəzi səbəblərə görə alınmır. Bu dəfə hörmət etdiyim ifaçı Rəqsanə ilə birlikdə ciddi işlərə başladıq. Yeni mövsümdə maraqlı layihə ilə səhnəyə qayıdıram. Rəqsanəyə və özümə uğurlar arzulayıram”.Rəqsanə İsmayılova Samir Bağırovla hazırladıqları yeni layihə haqqında çox danışmaq istəmədiyini vurğulayıb: "Tamaşaçılara sürpriz olsun. Artıq hazırlıqlar başlayıb. Samirlə birgə çox maraqlı layihə edəcəyik".

   Xalq artisti Aygün Kazımovanın qızı İlqarə son günlər müzakirəyə çevrilən cinsi azlıqlarla bağlı qanuna münasibət bildirib.Gənc ifaçı Amerika Birləşmiş Ştatlarında eynicinslilərin nikahının rəsmiləşməsinə icazə verilməsinə etirazını bildirənlərə qarşı çıxıb.“Bütün cinsi azlıqlara hörmətlə yanaşır, onları dəstəkləyirəm. Mavi, lezbi, trans və ya biseksual – hansı olur olsun, mənim üçün fərqi yoxdur. Onlar da insandır və mən onların istəklərinə, seçdikləri yaşam tərzinə hörmətlə yanaşıram.  Hər kəsi onları olduğu kimi qəbul etməyə çağırıram. Mənim ətrafımda da belələri var. Əsas odur ki, gey olsa belə, onlar kişi görkəmini qoruyub saxlamağı bacarır. Mən intim həyatını gizli saxlayan cinsi azlıqlara hər zaman dəstəyəm və dəstək də olacağam”.

 

Elyar Sadıqlı

 

Muz-Tv.az