Natavan: “Mən baxmıram 17 yaşlı uşaqdır, yoxsa xalq artistidir”

Bu günə kimi həmkarları ilə üzləşdiyi məhkəmələrdə qalib gələn müğənni Natavan Həbibi hər şeyin ədalətli olduğunu vurğulayıb. 

   Bu günə kimi həmkarları ilə üzləşdiyi məhkəmələrdə qalib gələn müğənni Natavan Həbibi hər şeyin ədalətli olduğunu vurğulayıb. Natanın sözlərinə görə, müğənninin ayağının altını qazan şəxslər özləri həmin quyuya düşüblər. Sənətçi artıq şəxsi həyatı barədə də heç nə açıqlamamaq qərarına gəlib: “Kim nə dedisə, öz payını aldı. Məndə hər şey qanunla olur. Mən baxmıram 17 yaşlı uşaqdır, yoxsa xalq artistidir. Əgər kimsə mənim şəxsi səhifəmdə nəsə artıq bir şey yazıbsa, onu tapırıq. Əgər sənət adamıdırsa, qanun yolu ilə, məhkəmə vasitəsi ilə cavabını alır. İnsan özünü biabır etməkdən zövq alır. Alçalmaqdan ləzzət alırlar. Artıq şəxsi həyatım barədə də heç yerdə danışmayacağam. Hər kəs məndən öncə hər şeyi bilir. Kim necə uydurursa, elə də olsun. Ərə gedəndə də sirr saxlayacağam. Çünki artıq bezmişəm. İnternet vasitəsi ilə özüm haqqımda çoxlu yeniliklər bilirəm. Oxuyuram ki, sən demə, filan şey də olub həyatımda. Saytlarda xəbərin aşağısında şərhləri oxuyuram, sanki həmin şəxslər mənim evimdə yaşayıblar”.

 

Sevda Məmmədova

Ramal Gülməmmədov

 

Muz-Tv.az