Keyt Moss və Lara Stoun yeni reklama çəkiliblər

Böyük Britaniyanın məşhur modelləri Keyt Moss və Lara Stoun yeni reklama çəkiliblər. 

    Böyük Britaniyanın məşhur modelləri Keyt Moss və Lara Stoun yeni reklama çəkiliblər. Axşam.az-ın xarici xarici mətbuata istinadən xəbər verir ki, həyatda rəfiqə olan modellər eyni layihə üçün fotokamera qarşısına keçiblər. "Balenciaga" markasını reklam fotolarını Stiven Klyayn çəkib.

    Rusiyalı model İrina Şeyk aktyor sevgilisi Bredli Kuperlə Londonda görüntülənib. Cütlük restorandan çıxarkən obyektivlərə tuş gəlib. Qara ziyafət geyimində olan İrina mavi çantası ilə üzünü gizlətməyə çalışıb. Bredli ilə dəfələrlə görüntülənməsinə baxmayaraq, İrina Şeykin belə bir addımı atması paparassiləri təəccübləndirib.

    Aktyor Tom Kruzun dünya miqyasında tanınmasına səbəb olan “Top gun” (“Ən yaxşı atıcı”) filminin davamı çəkilir. İlk hissəsi 1986-cı ildə lentə alınan ekran işi gələn il nümayiş olunacaq. Pilot Maverik obrazını yenidən Tom Kruz canlandıracaq. “Skydance” prodüser şirkəti tərəfindən çəkiləcək filmdə ilk hissədən 30 il sonra baş verənlər nəql ediləcək. Ekran işində yeni texnologiyalara, insan olmadan idarə edilən hava nəqliyyatı vasitələrinə, beşinci nəsil döyüş təyyarələrinə də yer veriləcək.

    Aktrisa Tuba Büyüküstün aktyor həyat yoldaşı Onur Saylak, əkizləri Maya və Toprakla hava limanında obyektivlərə tuş gəlib. Ailəsi ilə tətilə çıxan aktrisa serial çəkilişlərindən ötrü İstanbula qayıtmalı olub. Həyat yoldaşıyla qızlarını taksi ilə yola salan aktrisa jurnalistlərə “Bir ananın uşaqlarından məcburi ayrılması nə qədər dözülməz, nə qədər çətindir, görürsünüz?” deyib.

 

Sevda Məmmədova

 

Muz-Tv.az