Dünyaca məşhur simalar Bakı 2015" Avropa Oyunlarının bağlanış mərasimində
"Bakı 2015" Avropa Oyunlarının bağlanış mərasimində səhnəyə çıxan yerli sənətçilərlə yanaşı əcnəbi qonaqlar da olub.
"Bakı 2015" Avropa Oyunlarının bağlanış mərasimində səhnəyə çıxan yerli sənətçilərlə yanaşı əcnəbi qonaqlar da olub. Gecədə tamaşaçılar dünyaca məşhur Clean Bandit qrupunu,müğənni Con Nyumen və dicey Qarez Emerinin çıxışlarını dinləyiblər.Avropa Oyunları ərəfəsində paytaxtımızın qonağı olan əcnəbi məşhurlar təəssüratlarını sosial şəbəkədə yazıb. Qarez Emeri: “Hamıya məlumdur ki, uzun müddətdir ailəmlə vaxt keçirmək üçün albom hazırlamağı təxirə salmışam. Amma bəzən elə bir çılğın təklif alırsan ki, hər şeyi atıb təyyarədəcə rəqs etmək istəyirsən. Ona görə də indi Avropa Oyunlarının bağlanış mərasimində bu stadionda (Bakı Olimpiya Stadionu – red.) çıxış edirəm. Bu mənim üçün böyük şərəfdir". Con Nyumen: “Karyeramdakı ən böyük an. Avropa Oyunlarının bağlanış gecəsində”.
Müğənni Kərim Abbasov xalq artisti Aygün Kazımova ilə duet oxuyacaq. Axşam.az-ın məlumatına görə,sənətçi bu haqda açıqlamasında bildirib: “Aygün xanımın qəlbi başqadır. Bu qadının paxıllığı yoxdur. Böyük ürəyi, jestləri, şousu var. Bəziləri ondan hələ çox şey öyrənməlidir. O, bir kitabdır. Vərəqlədikcə bitmir. Bir dəfə məclisdə Aygün xanım dedi ki, buradakıların hamısı ilə duet oxuyacağam. O sözü oğurladım. Mahnının sözləri və musiqisi mənə aid olacaq. Möhtəşəm duet gəlir. Aygün xanımın gözəlliyindən heç kim oxumayıb. Mən onun ürəyinin və xarici gözəlliyindən oxuyacağam".
“Eurovision” təmsilçilərimizdən olan Səbinə Babayeva ana olmağa hazırlaşır. Müğənninin ötən gün Bakı Olimpiya Stadionunun səhnəsində çıxış edərkən görünüşü diqqətdən qaçmayıb. “Bakı 2015”in bağlanış mərasimində Azərbaycan Dövlət himnini səsləndirən S.Babayeva qarnını gizlətmək üçün enli paltar geyinib. Şəxsi həyatını gündəmə gətirməyi sevməyən ifaçı açıqlamasında “Bu haqda hələ ki çox danışmaq istəmirəm” deyə, cavab verib.
Türkiyədə yaşayıb, müğənnilik fəaliyyəti ilə məşğul olan Azəri qızı Günel hicab bağlayıb. Müğənni özünün "İnstagram" səhifəsində ərəb müğənninin ifasını paylaşıb və ərəb musiqilərini çox sevdiyini bildirib. Sənətçi həmçinin başına hicab bağlayaraq çəkdirdiyi fotosunu da paylaşıb. "İnstagram" dostları Günelin yeni görünüşünü çox bəyəndiklərini, hicabın ona yaraşdığını deyiblər.
Vokal və rok ifaçısı Lətifə Soyuöz Türkiyənin məşhur "Manqa" qrupu ilə baş tutmayan duetindən danışıb: "Təklif "Manqa" qrupundan gəlmişdi. Onlar layihəni həyata keçirməyə hazırlaşanda mən ana olmaq ərəfəsində idim və bu səbəbdən layihəmiz dayandırıldı".
Əhəd Miriyev
MuzTv.az