Nadir Qafarzadə: “Əsl peşəm mühasibdir”

Müğənni Nadir Qafarzadə sevdiyi həmkarlarının adını açıqlayıb. 

    Müğənni Nadir Qafarzadə sevdiyi həmkarlarının adını açıqlayıb. Axşam.az-ın məlumatına görə,sənətçi açıqlamasında əsl peşəsindən də bəhs edib: “Bir çox müğənniləri dinləyirəm: Aygün Bəyləri, Aygün Bayramovanı, Azər Zeynalovu, Samir Cəfərovu, Natavan Həbibini, Elton Hüseynəliyevi, Elnur Məmmədovu və başqalarını. Sevmədiyim ifaçılar da çoxdur. Onların adını çəkə bilmərəm. İstəmirəm pərəstişkarları mənə mənfi fikirlər desin. Mən dördə layiq ifaçıların adını demirəm. Ən yaxşılarının, 5-ə layiq bildiklərimin adını çəkdim. Uşaq vaxtı müğənni olmağı arzulamırdım. Həmişə deyirdim ki, "Mən tikintidə iş icraçısı olacam". Anam deyirdi ki, “Yaxşı sənət arzula da”. Əsl peşəm mühasibdir. Amma heç vaxt o işi sevməmişəm”.

    Müğənni Zamiq Hüseynov imicində dəyişiklik edib. Sənətçi saqqalını qırxıb. Yeni görünüşdə fotosunu paylaşan Z.Hüseynov “7 il sonra saqqalımı kəsdim. Amma bu halıma heç öyrəşmirəm. Öyrəşmək də istəmirəm” sözlərini yazıb.

    Müğənni Natavan Həbibi həmkarı Tunar Rəhmanoğlunun mahnısını oxuyub. Sənətçi bu haqda açıqlamasında bildirib: “Tunar gözəl bir mahnı oxuyub. Dinləyəndə çox bəyəndim. Tunara zəng etdim ki, “Sən bir mahnı oxumusan. Mən də onu ifa edəcəm, yox demə”. O da “hə” dedi. Müəllifi Rəşad Bağırovdur. Aranjimanı Fərid İmanov edib”.

    Müğənni İzzət Bağırov konsert verməyə hazırlaşır. İfaçı heç bir sənət adamına konsert üçün xüsusi dəvətnamə yollamayacağını qeyd edib: "Dəvətnamə yoxdu. İnciyirlər, incisinlər. Heç dəxli var? Artıq sənət adamlarına, dostlarıma bilet verməyəcəyəm. Mənə yardımçı olmaq, kömək olmaq istəyən adamlar onsuz da konsertə gələcəklər. Elə adamlar məndən bilet istəyir ki, deyirəm heç olmasa sən yox da. O insan istəsə zalın bütün biletlərini alar". Pulsuz biletləri yalnız media işçilərinə verəcəyini söyləyən İzzət Bağırov konsertin sentyabrın 18-də Yaşıl teatrda baş tutacağını deyib.

 

Əhəd Miriyev

 

MuzTv.az