Ledi Qaqanın iti məşhur brendin siması oldu

Pop ulduz Ledi Qaqanın Buldok cinsindən olan iti “Coach” brendinin siması seçilib. 

   Pop ulduz Ledi Qaqanın Buldok cinsindən olan iti “Coach” brendinin siması seçilib. Axşam.az xarici mətbuata istinadən xəbər verir ki, ifaçının iti brendin reklamına çəkilib. Bu barədə İnstaqram səhifəsində yazan Ledi çox sevindiyini qeyd edib: “Xanım Asya ilə fəxr edirəm. O, kamera qarşısında çox gözəl davrandı. Ən yaxşı dostumun ulduz olmasını görməyimə olduqca şadam”. Brendin direktoru Stüart Vivers iti reklama çəkməkdə başlıca məqsədin insanların simasında gülüş yaratmaq olduğunu deyib.

    5 aylıq küsülülükdən sonra yenidən barışan müğənni Murad Dalkılıçla aktrisa Mərvə Boluğur evlənməyə hazırlaşırlar. Barışmaqlarını Bodrum tətili ilə qeyd edən cütlük nikah masasına avqustda əyləşəcəklər. Muradın Mərvəyə evlilik təklifi etdiyi, aktrisanın isə bu təklifə razılıq verdiyi deyilir.

    Yaxın günlərdə "Terminator" filminin növbəti hissəsi təqdim olunacaq. İnternetdə Arnold Şvarsneqqerin baş rolda çəkildiyi filmin yeni treyleri yayılıb. Qeyd edək ki, "Terminator: Genizis" adlanan ekran işində Sarah Konnor rolunu bu dəfə "Taxt oyunları" serialından tanınan Emili Klark canlandırır.

    Türkiyənin məşhur müğənnisi Ebru Yaşarın toyu olub. O, bir müddətdir birgə yaşadığı iş adamı Necat Gülsevenlə ailə qurub. Cütlük özəl günləri üçün Marmarisdə bir hoteli bağlatdırıb. N.Gülseven həyat yoldaşına toy hədiyyəsi olaraq altı karatlıq tək qaş üzük hədiyyə edib. Atəşfəşanlıqla bitən toydan sonra sevgililər ilk rəqslərini ediblər. Onlar bal ayını Yunanıstan adalarında keçirəcəklər.

 

Əhəd Miriyev

 

MuzTv.az