İlhamə Qasımova: “Pul xatirinə bayağı mahnı oxuyurlar”

Müğənni İlhamə Qasımova bayağı mahnılardan bəhs edib. Sənətçi açıqlamasında ifaçıların belə bəstələri pul xatirinə səsləndirdiyini bildirib:..

     Müğənni İlhamə Qasımova bayağı mahnılardan bəhs edib. Sənətçi açıqlamasında ifaçıların belə bəstələri pul xatirinə səsləndirdiyini bildirib: “Hər bir işin başında pul dayanır. Asılılıq insanı hər şeyə vadar edir. Pul xatirinə sənə yox, başqalarına xoş olacaq mahnı oxuyursan. Beləcə, maddi durumun yaxşılaşır. Mənim ifa tərzim başqadır. Toyda oxuyanda beş-altısı gəlib deyir ki, “Bu nə oxuyur? Bunu çıxardın zaldan”.

     Əməkdar artist Cavanşir Məmmədov müğənni Nadir Qafarzadəyə hədiyyə verib. N.Qafarzadə bu haqda açıqlamasında bildirib: "Cavanşir Məmmədov bu yaxınlarda komandası ilə birlikdə Hollandiyaya getmişdi. Mənim üçün oradan hədiyyə gətirib. Əynimdə olan bu köynəyi alıb. Çox gözəl zövqü var". Qeyd edək ki, C.Məmmədov və N.Qafarzadə uzun müddətdir küsülü idi. Əməkdar artist sənətçini məhkəməyə vermişdi. Müğənnilərin barışmasında Manaf Ağayev vasitəçilik edib.

    Müğənni Elnarə Xəlilova kökəlməkdən şikayətlənib. Sənətçi açıqlamasında sevdiyi idman növlərindən bəhs edib: "Bütün idman növlərini sevirəm. Ən çox da yüngül atletikanı. İdmanla çox məşğul oluram. Amma arıqlaya bilmirəm. Əksinə kökəlirəm. Çünki orqanizmimdə maddələr mübadiləsi yaxşı getmir".

    Müğənni Elariz Məmmədoğlu yeni doğulan nəvəsinin fotosunu sosial şəbəkədə paylaşıb. İfaçı şəkilə “Mənim Aidam” sözlərini yazıb.

 

Əhəd Miriyev

 

MuzTv.az