Elza Seyidcahan yenə də təəccübləndirdi

Əməkdar artist Elza Seyidcahan bu dəfə qəfəsi xatırladan libas geyinib. 

 

    Əməkdar artist Elza Seyidcahan bu dəfə qəfəsi xatırladan libas geyinib. Axşam.az-ın məlumatına görə, münsif olduğu “Azərbaycanın səsi” yarışmasına fərqli imicdə gələn müğənni hamını təəccübləndirib. E.Seyidcahan bu geyiminin "Ağ-qara dünya" adlandığını bildirib: “Bunu bir əsər adlandırıram. Modelyer Şəlalənin ideyasıdır. Libasım tamaşaçıların marağına səbəb oldu. Kimi onu qəfəsə, kimi də arı pətəyinə oxşatdı. Mənim işlərim hər zaman müzakirə olunub. Bütün müğənnilər mənim kimi müzakirə obyektində olmağı arzulayır. Amma bunun qarşısında dayanmaq hər adamın işi deyil".

    Gənc ifaçı Günay İbrahimli fotokamera qarşısına keçərək şəkillər çəkdirib. Sənətçinin dərisini qaraltdığı diqqətdən qaçmayıb. Dənizə gedə bilməyən Günay solyarinin imkanlarından bəhrələndiyini bildirib.

    Müğənni Kərim Abbasov əməkdar artist Mehriban Xanlarova ilə məhkəmə prosesinin aqibətindən danışıb. İfaçı ilk məhkəmənin baş tutduğundan xəbər verib: “İyunun 22-də ilk məhkəmə oldu. Vəkilim getmişdi. Qanunlarımıza, haqq-ədalətə inanıram. Heç kəsə qarşı barışıq addımı atmıram. Heç qarşı tərəf də mənimlə barışmaq istəmir. Mən efirdən hədələnmişəm. Onunla Yasamal rayon məhkəməsində görüşəcəm. Bir insan Həcc ziyarətinə gedib, efirdə başqasını şantaj edirsə, ona nə deyəsən?”.

    Müğənni Xatirə İslam görünüşündə dəyişiklik edib. Sənətçi qəhvəyi saçlarını sarıya boyatdırıb.

 

Əhəd Miriyev

 

MuzTv.az