Ədalət Şükürov sirr saxladığı bacarığını açıqladı

Əməkdar artist Ədalət Şükürov gizli bacarığını açıqlayıb. 

 

    Əməkdar artist Ədalət Şükürov gizli bacarığını açıqlayıb. Axşam.az-ın məlumatına görə,müğənni açıqlamasında rəssam olduğunu etiraf edib: “Bir vaxtlar rəssamlıqla məşğul olmuşam. Sonradan müğənnilik etdim.İndi də Rəssamlıq Akademiyasının qarşısından keçəndə həvəsə gəlirəm”

    Əməkdar artist Elza Seyidcahan xəyallarından danışıb. Sənətçi açıqlamasında bağ evi almaq istədiyini bildirib: “Bağ evim yoxdur. Həmişə arzulamışam ki, balaca həyət evi tikdirim, oranı xəyalımdakı kimi dizayn etdirim. Həyətimdə kiçik hovuzum olsun, hər yerdə güllər əkilsin. Mən çimərliyə gedə bilmirəm. Gün üzünə həsrət qalmışam. Çimərlik paltarı geyinib, rahat dincələ bilmirəm. Tanınıram, ətrafdakıların gözü üstümdə olur. Hətta rayona istirahət mərkəzinə gedəndə hovuz kənarında sakit uzanmıram. Gözüm ətrafda qalır ki, kimsə şəklimi çəkər. Buna görə də mən özümə bağ evi almaq istəyirəm. Özü də dənizə yaxın olsun”. E.Seyidcahan qızı Gülşənin toy hazırlıqlarına başladığını deyib: “Artıq məkanı da dəqiqləşdirmişəm. Avqustda toydur. Qonaqlarım çox olacaq. Hamının yaddaşında qalacaq bir məclis planlaşdırmışam”.

   Müğənni Natavan Həbibi mənfi cəhətlərini etiraf edib. O,açıqlamasında bunları bildirib: “İnsanları tez başa düşməyə çalışıram. Ən böyük səhvimdir ki, başqalarına görə, yaxınlarımla dava edirəm.Mənə kimsə pislik edəndə çalışıram ki, onu yaxşı düşünüm, səbəb axtarım. Ailəmdə də buna görə məni qınayırlar. Mübahisə edirəm ki, yox, “Mənim dostlarım yaxşıdır. Niyə siz mənim dostlarımı pis görürsünüz?”. Bilirəm ki, düz etmirəm. Bu mənim mənfi xüsusiyyətimdir. Amma özümlə bacarmıram, beləyəm”.

    Müğənni Vasif Məhərrəmli qızı Əfşanla istirahətə yollanıb. Qəbələdə dincələn sənətçi fotolarını sosial şəbəkədə paylaşıb.

 

Əhəd Miriyev

 

MuzTv.az