Aygün Kazımova və Lalə Məmmədovanın küsülü olduğu ortaya çıxdı

Xalq artisti Aygün Kazımova ilə əməkdar artist Lalə Məmmədovanın küsülü olduğu ortaya çıxıb. Axşam.az-ın məlumatına görə, bu haqda L.Məmmədova açıqlamasında xəbər verib. 

    Xalq artisti Aygün Kazımova ilə əməkdar artist Lalə Məmmədovanın küsülü olduğu ortaya çıxıb. Axşam.az-ın məlumatına görə, bu haqda L.Məmmədova açıqlamasında xəbər verib. O, küsməklərinin səbəbindən və barışmaqlarından danışıb: “Realiti-şouların birində ikimiz də iştirakçı idik. Aygün xanım başqa qruplaşma yaratdı. Mən də özüm qruplaşma yaradıb, dedim, onu uzaqlaşdırmalıyam. Amma səs toplamadım və özüm şounu tərk etdim. Küsülü qaldıq. Sonra şahidi oldum ki, onun qəlbi necə təmiz imiş. Bir dəfə eyni məkanda üz-üzə gəldik. Aygün xanım mikrofonu götürdü və dedi: “Ay Lalə, axı mən sənə neyləmişdim?”. Çox utandım. Neçə yaş məndən böyükdür. Heç bir sənətkar belə hərəkət etməzdi. O, bu jesti etdi. Bilirəm ki, onun da mənə münasibəti yaxşıdır”.

   Müğənni Röya Ayxan iyunun 14-də olan ad gününü gizli keçirməsinin səbəbini açıqlayıb. Sənətçi açıqlamasında bunları bildirib: “İnsanları qıcıqlandırmaq istəmərəm. Ad günüdür də... Həmişəki kimi sadə keçirdim. Cəmi iki dəfə oynamışam”.

    Müğənni İradə İbrahimova hamiləlik fotosunu paylaşıb. Sənətçi hamiləliyinin son aylarını yaşadığını vurğulayıb: “Allah bu aylarda hamilə olan xanımlarımıza kömək etsin. Yayı xeyirlisi ilə başa vursaq, yaxşı olacaq. Son və çətin aylarımıza girdik. Allah kömək olsun. Dualarınıza ehtiyacım var. Bilirəm ki, əsirgəməyəcəksiniz. Mən də dualarımda ana olmaq istəyənləri unutmuram. Deyilənə görə, hamilə qadınların duasını Allah eşidir”. Qeyd edək ki, Ceyhun İzer adlı türkiyəli iş adamı ilə ailə quran İ.İbrahimovanın İpək adlı bir qızı da var. İstanbulda yaşayan ifaçı oğlu olacağını demişdi.

    Müğənni Könül Kərimova həmkarı Xatun Əliyevanın onu parodiya etməsinə münasibət bildirib. Sənətçi açıqlamasında həmkarına dəfələrlə xəbərdarlıq etdiyini, amma qarşılıq görmədiyini deyib: “Ən azı hər kəs böyük-kiçik yeri bilməlidir. Onun parodiyasını qətiyyən qəbul etmirəm. İnsan özünə hörmət qoymalıdır. Bunu bacarmayanlar da var. Çörək kəsdiyim insandır. Bu mənim xoşuma gəlmir. Qarşımdakı məni eşidib, hörmət etmir, ürəyi istədiyi kimi davranır. Fərqinə varmır ki, kiminsə qəlbinə dəyir, hissləri ilə oynayır. Ona deyirəm, “Ey dost, bunu etmə”. Qəsdən nələrsə etməklə zövq alır. Haqsızlığı götürmürəm. İnsan necə durduğu yerdə başqası ilə düşmənçilik edir? Ən az bir-birimizin sənətinə hörmət qoymalıyıq”.

 

Əhəd Miriyev

 

MuzTv.az