Röya Ayxan yeni mahnısını təqdim etdi

Müğənni Röya Ayxan “Toxun mənə” adlı yeni mahnısını təqdim edib. 

 

    Müğənni Röya Ayxan “Toxun mənə” adlı yeni mahnısını təqdim edib. Axşam.az-ın məlumatına görə, bəstənin sözləri Elməddin Həmidova, musiqisi Tərlan Məmmədhüseynova məxsusdur.

    "Eurovision 2011” qalibi Eldar Qasımov heyvanlara olan sevgisindən bəhs edib. İfaçı açıqlamasında bunları bildirib: “Bir neçə ay əvvəl gözəl məkanda oldum. Delfinlərlə bir yerdə üzdüm. Başa düşdüm ki, əgər sənətdə uğur qazanmasam, delfin təlimçisi olacağam. İnsanları gözəl başa düşür. Onların adamı sağaltmaq xüsusiyyətləri də var. Delfinlərlə adam özünü rahat hiss edir. Heyvanları sevirəm. Amma saxlamıram, böyük məsuliyyətdir. Çünki mən işimlə bağlı tez-tez xarici ölkələrdə oluram. Heyvanı özümlə apara bilmərəm. Onu saxlamaq üçün başqasına da vermərəm”.

     Müğənni Elton Hüseynəliyev istirahətə hazırlaşır. Sənətçi açıqlamasında yay planlarından danışıb: “Bodruma gedirəm, bir həftə orada qaldıqdan sonra Bakıya qayıdacam və Amerikaya gedəcəm. Bruklində toya dəvət olunmuşam. İyulun 4-də vətənimə qayıdacam, bölgələrə istirahətə yollanacam. Bizim rayonların havasından heç yerdə yoxdur”. E.Hüseynəliyev şou-biznesdəki dostlarından da bəhs edib: “Şou-biznesdə dost olduğum insanlar çoxdur. Aygün Kzımovaya, Rəhim Rəhimliyə gecə saat 5-də də zəng etsəm, qaçıb yanıma gələr. Bu aləmdə mərd insanlar az deyil”.

    Müğənni Rəqsanə İsmayılova öz fobiyasından danışıb. O,açıqlamasında suda öləcəyini deyib: "Bu günə kimi dənizə girməmişəm. Dəniz mənim fobiyamdır. Dünyanı gəzirəm, amma heç vaxt dənizə girmirəm. Hovuz ətrafında gəzə bilərəm. Ayaqlarımı suya sala bilərəm. Amma dənizə girə bilmərəm. Elə bilirəm həmin an ölərəm. Özümdən asılı deyil. İstəsəm, üzməyi də öyrənə bilərəm. Orada nə var ki?! Sadəcə, qorxuram. Nəfəsim çatmır. Mən heç vanna da qəbul edə bilmirəm. Elə başa düşürəm ki, mən suda öləcəyəm. İstirahətə gedəndə də ancaq qaralmaq üçün uzanıram. Qızlarım isə balıq kimi üzürlər".

 

Əhəd Miriyev

 

MuzTv.az