Nigar Camal Hande Yenərlə bir arada

“Eurovision 2011” qalibi Nigar Camal türkiyəli ifaçı Hande Yenərlə birlikdə fotolarını və videosunu paylaşıb.

   “Eurovision 2011” qalibi Nigar Camal türkiyəli ifaçı Hande Yenərlə birlikdə fotolarını və videosunu paylaşıb. Axşam.az-ın məlumatına görə, Nigar hazırda Bodrumda istirahət edir. Onun dincəldiyi “Sebastian Beach Club” Hande Yenərə məxsusdur. Qeyd edək ki, N.Camal bundan əvvəl də türkiyəli həmkarı ilə fotolar paylaşmış, dost olduqlarını bildirmişdi.

    Rusiyalı müğənni Timati Bakının qonağı olacaq. İfaçı iyunun 20-də gecə klublarından birində konsert verəcək. Qeyd edək ki, bu ifaçının Bakıya ilk səfəri deyil. Timati bundan əvvəl də bir neçə dəfə paytaxtımızın qonağı olub.

    Müğənni Aysel Əlizadə evlilik təklifindən danışıb. O,açıqlamasında bunları bildirib: "Mənim üçün qeyri-adi evlilik təklifi ölkədən kənar, gözümüzün alışdığı, əlimiz çatan məkanlardan uzaq olmasıdır. Çətinliklə başa gələ bilən, yuxu kimi bir mənzərə olsun istəyirəm. Ən əsası - bunları mənə sevəcəyim insan etsin. Görüntü xatirinə toy edib, gəlinlik geyinmək istəmərəm. Ömür boyu sevib, xoşbəxt ailələrdən olmağı arzu edirəm".

   Gənc müğənni Yaşar Cəlilov şəxsi həyatından danışıb. İfaçı açıqlamasında evlənməyə qız tapmadığını bildirib: "25 yaşım var. Evlənmək üçün tez olduğunu düşünürəm. Həyatda ən böyük arzum qızımın olmasıdır. Qızıma anamın adını qoyacam. Evlənməyə hələ ki, qız tapmıram. Sevəcəyim xanımla evlənmək istəyirəm".

 

Əhəd Miriyev

 

MuzTv.az