Avropa Oyunlarının bağlanış mərasimində səhnəyə o çıxacaq

Avropa Oyunlarının bağlanış mərasimi də Ledi Qaqasız keçməyəcək. Bu dəfə Azərbaycanın Ledi Qaqası Elza Seyidcahan səhnəyə çıxacaq. 

 

    Avropa Oyunlarının bağlanış mərasimi də Ledi Qaqasız keçməyəcək. Bu dəfə Azərbaycanın Ledi Qaqası Elza Seyidcahan səhnəyə çıxacaq. Milli.Az-ın xəbərinə görə,Elza Seyidcahan Avropa Oyunlarının bağlanış mərasimində çıxış edəcək. Ekstravaqant müğənnimiz yeniyetmə ifaçıların müşayiəti ilə Olimpiya marşını oxuyacaq. 

   İyunun 17-də Avropa Oyunlarının sərbəst güləş yarışmasında izləyicilər arasında müğənni Günay İbrahimli və prodüser Tarix Əliyev (Tolik) də olub. Tolik yarışlarla bağlı təəsüratlarını bölüşüb: “Üç gündür idmançılarımızı izləməyə gedirəm. Bundan sonrakı oyunlara da biletlərim var. İdmançılarımıza dəstək olacağam. Dünən Günay da mənimlə birlikdə idi. Güləşlə bağlı himn oxuyub. O, Zamiq Hüseynovla duet şəklində səsləndirdiyi mahnıya klip də çəkdirib. Bu yaxınlarda təqdim olunacaq".

   Müğənni Emma Ələkbərzadə yeni dünyaya gələn oğlu ilə bağlı təəssüratlarını bölüşüb. İfaçı açıqlamasında körpəsinə Devid adını qoyduğunu bildirib: “Əvvəl uşaq doğulanda ad seçmək çətin olurdu. İndi asanlaşıb. Nəslimizdə ad təkrarlanmasın deyə, yenilik etdik. Amerikalılar Devid, yəhudilər Çar David, müsəlmanlarda isə Davud Peyğəmbərdir. Analıq gözəl duyğudur. Həyat yoldaşım oğlumuzu saxlamaqda mənə kömək edir. Bacım Sevda (əməkdar artist Sevda Ələkbərzadə - red.) və anam gəlib mənə dəstək olurlar. Çox xoşbəxtəm ki, bu cür ailəm var”. E.Ələkbərzadə övladını mediadan uzaq tutacağını deyib: “Telekanallardan zəng vururlar ki, gəlib sizi övladınızla birlikdə çəkək. Adətlərimizə görə uşağın qırx günü tamam olmamış onu göstərmək qadağandır. Heç ondan sonra da uşağımı göstərməyi düşünmürəm. Mən şəxsi həyatımı gündəmə gətirməyi xoşlamıram. Toyumu, hamiləliyimi mediadan gizlətdim”.

    Müğənni İlhamə Qasımova və rəqqasə Oksana Rəsulova Avropa gəzintisinə çıxıb. Rəqqasə açıqlamasında hazırda Fransada olduqlarını bildirib: “İlhamə ilə birlikdə Avropa səyahətindəyik. Əvvəl Almaniyaya getdik. Orada bir çox yerləri gəzdikdən sonra Fransaya gəlmişik".

 

Əhəd Miriyev

 

MuzTv.az