Elza Seyidcahan başında məşəl “yandırıdı”

Əməkdar artist Elza Seyidcahan qeyri-adi imici ilə yenə də hər kəsi təəccübləndirib. 

 

    Əməkdar artist Elza Seyidcahan qeyri-adi imici ilə yenə də hər kəsi təəccübləndirib. Axşam.az-ın məlumatına görə, müğənni bu dəfə başında məşəl yandırıb. Fərqli imici ilə bağlı açıqlama verən E.Seyidcahan hələ insanları çox təəccübləndirəcəyini bildirib: “Bəziləri elə bilir ki, mən bunu dəb və ya gündəmdə qalmaq üçün edirəm. Bu tarixi bir imicdir. Ölkəmizdə Avropa Oyunları kimi önəmli bir hadisə oldu. Bu ərəfədə belə qeyri-adi stildə çıxmaq istədim. Məşəl bizim simvolumuzdur. Neçə gün onu bölgələrdə daşıdılar. Bu dəfə məşəli başımda yandırmaq istədim. Bu imicə görə mənə modelyer Leyla Əhmədova kömək etdi. Hamı təəccüblənirdi ki, başında alovu necə gəzdirirsən? Bundan da qeyri-adi imiclərim var. Hələ insanları çox heyrətləndirəcəm".

    Mingəçevir şəhərində “Bakı-2015” birinci Avropa Oyunları çərçivəsində avarçəkmə yarışları baş tutub. Yarışı izləyənlər arasında müğənni Röya Ayxan və aparıcı Hacı Nuran da olub. “Ulduz elçi”lər fotolarını sosial şəbəkədə paylaşıblar. Təəssüratlarını bölüşən R.Ayxan “İkinci yer bizimdir. Buna da şükür. Bu istidə adamın ciyəri yanır” deyə, yazıb.

   “Eurovision 2011” qalibi Nigar Camal yay istirahətinə yollanıb. Müğənni Bodrumda dincəlir. O, şəkillərini paylaşaraq, “Bodrumda özüm özümlə... Həyat gözəldir, amma son vaxtlar hər şey maraqsızlaşıb. Sadəcə, qızlarım yanımda olanda ürəkdən sevinirəm” sözlərini yazıb.

    Müğənni Aysel Əlizadə və reper Qurd yeni işbirliyi qurub. “Apar məni” adlanan duet ilk dəfə A.Əlizadənin ad günündə səsləndirilib. Sənətçilər yeni mahnıya klip çəkdirəcəklərini bildiriblər.

 

Əhəd Miriyev

 

MuzTv.az