Uitni Hyustonun qızı Kristina komadan ayılıb

Mərhum  amerikalı müğənni  Uitni Hyustonun yegane qızı olan Bobi Kristina Braun komadan ayılıb. 

    Mərhum  amerikalı müğənni  Uitni Hyustonun yegane qızı olan Bobi Kristina Braun komadan ayılıb. Axşam.az xarici mətbuata istinadən xəbər verir ki, bu haqda Kristinanın atası bildirib: "Bobbi oyandı. O, məni eşidir".Amma qızın qohumları bu informasiyanı təsdiqləməyiblər. Braunun ailəsinə yaxın olan şəxslərdən biri isə "Mən bildiyim qədər, heç bir dəyişiklik olmayıb. Biz əvvəlki kimi dua edirik. Ümid edirik ki, Allah möcüzəni yaradacaq" - deyə, bildirib. Onun nənəsi Sissi Hyuston jurnalistlərə etiraf edib ki, nəvəsinin sağalma şansı azdır. Qeyd edək ki, Kristina Braun yanvarın 31-də Atlanta yaxınlığındakı evinin hamamında huşsuz vəziyyətdə tapılmışdı. Onun həyatını xilas etmək məqsədi ilə həkimlər Kristina Braunu süni koma vəziyyətinə salmışdı. Martın sonunda isə o, reabilitasiya mərkəzinə köçürülüb.

    Tanınmış cütlük Ancelina Coli və Bred Pitt Suriyadan bir uşaq övladlığa götürmək qərarı alıb. 6 uşağa sahib olan aktyorlar onlardan üçünü də övladlıq götürüb. İngiltərənin "Daily Express" qəzetinin yaydığı məlumatda Coli və Pittin bunun üçün hazırlıqlara başladığı bildirilib. Suriyadakı müharibə nəticəsində yetim qalan uşaqlar üçün göz yaşı tökən Ancelina onlardan birinə analıq etmək istəyir. Hollivud ulduzları bu dəfə qız uşağı övladlıq götürməyi planlaşdırır.

    Türkiyəli aktrisa Ezgi Mola Bakı səfəri zamanı şəhər gəzintisinə çıxıb. O, "İçərişəhər"də olub, sevənləri ilə şəkillər çəkdirib. Ezginin gəzintidən fotoları sosial şəbəkədə paylaşılıb. Qeyd edək ki, Ezgi Mola Bakıya türkiyəli aktyor Murad Yıldırımla birlikdə gəlmişdi. Onlar rol aldıqları "Kocan kadar konuş" filminin qala gecəsində iştirak ediblər.

    Aktrisa Fahriye Evcen "Hürriyet" qəzetinə müsahibə verib. Həyatından və karyerasından danışan aktrisa türk filminin ulduzu Türkan Şoraya bənzədilməsi haqqında danışıb. Ekranlara çıxdığından bəri T.Şorayla adı hallanan Fahriyye bu yaxınlarda bir reklam filmində onunla birgə oynayıb. Çəkilişlər üçün saç rəngini Şorayda olduğu kimi edən aktrisa bu haqda belə deyib: "Türkiyədə ikona olmaq üçün lazım olan xüsusiyyətlərə sahib yeganə ad Türkan Şoraydır. O, əfsanədir. Gözəllik anlayışı ilk növbədə gözəl baxmaqla, gülüşlə bağlıdır. Bunun üçün də özünə inam vacibdir".

 

Sevda Məmmədova

 

Muz-Tv.az