Nadir Qafarzadə: “Söz vermişəm ki, bundan sonra klip çəkdirməyəcəm”

Müğənni Nadir Qafarzadə "Bu necə eşq?" adlı yeni mahnısını təqdim edib. Axşam.az-ın məlumatına görə, bəstənin söz və musiqisi Fərid Kərimliyə məxsusdur. 

     Müğənni Nadir Qafarzadə "Bu necə eşq?" adlı yeni mahnısını təqdim edib. Axşam.az-ın məlumatına görə, bəstənin söz və musiqisi Fərid Kərimliyə məxsusdur. N.Qafarzadə hazırda bir neçə yeni mahnı üzərində çalışdığını da bildirib: “Bir çoxunu yay mövsümündən sonra təqdim edəcəyəm. “Bu necə eşq?” adlı bəstə ritmik versiyada olduğu üçün indi dinləyicilərin ixtiyarına verdim. Düşünürəm ki, bu bəstə də digər mahnılarım kimi seviləcək. Söz vermişəm ki, bundan sonra klip çəkdirməyəcəm. Çünki artıq klip dövrü deyil. Mənim bu sözlərimlə razılaşmayanlar da ola bilər. Mən bir daha bu işi etməməyə, klip çəkdirməməyə söz vermişəm”.

     “Eurovision” təmsilçilərimizdən olan Səbinə Babayeva özü ilə bağlı maraqlı fakt açıb. Müğənni açıqlamasında peşəkar həndbolçu olduğunu bildirib: “Məşqə gedirdim, peşəkar həndbolçu idim. Atam qoymadı sona kimi davam etdirim. O qədər yaxşı oynayırdım ki, məşqçi evimizə gəlib, atama yalvarırdı ki, icazə verin gəlsin. O vaxt Rusiyaya köçdük. Atam dedi ki, gəl otur evdə, olmaz. Ölürdüm idman üçün”.

     Müğənni Emil Bədəlov "Mələyimsən" adlı yeni mahnısını təqdim edib. Bəstənin söz və musiqisi Pərviz Sabirabadlıya, aranjimanı Rabilə məxsusdur. Yeni işindən danışan E.Bədəlov bu mahnıya klip çəkdirəcəyini bildirib: "Hər dəfə mahnını dinləyəndə ona güvənim bir az da artır. Ümid edirəm ki, yayın hiti olacaq. Dinləyicilər də "Mələyimsən"i mənim qədər bəyənəcək".        

      Müğənni Yaşar Cəlilov “Elə ki axşam olur” adlı yeni mahnısını təqdim edib. Bəstənin sözləri Altay Yaşara, musiqisi isə Bəxtiyar Həsənova məxsusdur.

 

Əhəd Miriyev

 

MuzTv.az