Günay İbrahimli konsertə hazırlaşır
Müğənni Günay İbrahimli solo konsertə hazırlaşır. Axşam.az-ın məlumatına görə,sənətçi payızda baş tutacaq tədbirə görə imicini dəyişəcəyini
Müğənni Günay İbrahimli solo konsertə hazırlaşır. Axşam.az-ın məlumatına görə,sənətçi payızda baş tutacaq tədbirə görə imicini dəyişəcəyini deyib: “Bu dəfə Heydər Əliyev Sarayının səhnəsində çıxış edəcəm. Geyimlərim ilk konsertimdəkindən tam fərqli olacaq. İmicimdə də dəyişiklik edəcəm. Saçlarımı tam qısa kəsdirəcəm”.
Əməkdar artist Almaz Ələsgərlinin qızları Mədinə və Əminənin yeni fotoları yayılıb. Şəkilləri Mədinə İnstaqram shifəsində paylaşıb. Qeyd edək ki, A.Ələsgərlinin böyük qızı İsveçrədə təhsil alır və orada qalır. Kiçik övladı isə anası ilə Bakıda yaşayır.
Müğənni Rəqsanə İsmayılovanın modelyer qızı Aysunun moda evinin açılışı təxirə düşüb. Bu haqda müğənni açıqlamasında deyib. O, övladının qardaş ölkədə təhsil aldığını və filmə çəkiləcəyini bildirib: “Aysun və bacım oğlu Tunar uzun müddətdir İstanbuldadır. Orada bir filmdə baş rola dəvət alıblar. 6 aydır kursa gedir, dil təkmilləşdirirlər. Çünki dublyaj olmayacaq, özləri səsləndirməlidir. Türk dilini mükəmməl öyrənməlidirlər. Filmə görə Aysunun moda evinin açılışı təxirə düşüb. Bu yaxınlarda özüm də İstanbula gedirəm. Yeni fotosessiya etdirib, klip çəkdirəcəm. Bunların hamısını sentyabrda təqdim edəcəm. Elə butikin açılışı da payızda baş tutacaq”.
Prodüser Təranə Səmədova həmkarı Tolikdən inciyib. Bu haqda Təranə Axşam.az-a açıqlamasında deyib. O, Tolikin iyunun 9-da keçirdiyi ad gününə getməməyinin səbəbini açıqlayıb: “On ildən çoxdur Toliki tanıyıram. O, doğum gününü təntənəli qeyd etməyə başlayandan, hər il təbrik etmişəm. Saymışam, hörmət etmişəm deyə, məclisinə getmişəm. İki dəfə ad günü keçirdim, sayıb gəlməyib. Sayanın quluyam, saymayanın ağası. Bir ədəd qızıl güllə belə məni təbrik etmədi. Ondan çəkinən deyiləm. Bəlkə də bu gün bir çox məşhur ondan qorxur. Toy bazarına düşmək arzusunda deyiləm. O da, mən də prodüserəm. Onu axtaranların mənə də işi düşür. Hansı doğum gününə getmişəm orada olub. Mənimkinə gəlməyib, demək, münasibətimiz düşündüyüm qədər yaxşı deyilmiş”.
Əhəd Miriyev
MuzTv.az