Sinem Kobal: “Bu haqda danışmaram”

Aktrisa Sinem Kobal “Christian Louboutin” brendinin 2015 yay-qış kolleksiyasının təqdimatına qatılıb. 

    Aktrisa Sinem Kobal “Christian Louboutin” brendinin 2015 yay-qış kolleksiyasının təqdimatına qatılıb. Axşam.az Türkiyə mətbuatına istinadən xəbər verir ki, yeni mövsüm ayaqqabılarını sınaqdan keçirən aktrisa keçmiş sevgilisi Arda Turanla bağlı suallara cavab verməyib: “Bu haqda danışmaram. Yeni film çəkirik. Adı “Yaktın beni”dir”. Sinem daha sonra məkandan ayrılaraq çəkiliş meydançasına yollanıb.

     5 il boyunca “Kurtlar Vadisi”ndə vəkil Leyla obrazını canlandıran aktrisa Çidəm Batur serialdan ayrılıb. “Facebook” səhifəsindən vida mesajı yazan aktrisa “Vidalaşıram, amma kədərli deyiləm. 5 il boyunca heç vaxt pis xatirəm olmadı” deyib. Qeyd edək ki, “Kurtlar Vadisi”nin mövsüm finalında Leyla bomba partlaması nəticəsində dünyasını dəyişir.

     Keçmiş futbolçu Devid Bekhem filmə çəkilir. Futbolçu Qay Riçinin “Dəyirmi masa arxasındakı gecələr:Kral Artur” (“Knights of the Roundtable: King Arthur”) filmində rol alacaq. Devid Bekhemə görə ssenariyə hətta futbolla bağlı zarafatlar da salınacaq. Filmin premyerası gələn ilin iyulunda olacaq.

     “Möhtəşəm yüz il” serialından sonra ekranlara qayıtmağa hazırlaşan aktyor Halit Ərgənçin yeni layihədə tərəf müqabili bəlli olub. Aktyor yeni serialda aktrisa Cansu Dərə ilə çəkiləcək. Dekabrda yayımlanması nəzərdə tutulan ekran işi “O3 Productions” tərəfindən lentə alınacaq. Adı açıqlanmayan serial “Kanal D”də yayımlanacaq. Qeyd edək ki, Halit Ərgənçlə Cansu Dərə 2009-cu ildə “Acı Aşk”da da tərəf müqabili olublar.

 

Əhəd Miriyev

 

MuzTv.az