Sevda Ələkbərzadə “Sevir ürək” adlı yeni mahnısını təqdim etdi

Əməkdar artist Sevda Ələkbərzadə “Sevir ürək” adlı yeni mahnısını təqdim edib.

     Əməkdar artist Sevda Ələkbərzadə “Sevir ürək” adlı yeni mahnısını təqdim edib. Axşam.az-ın məlumatına görə, bəstənin musiqisi ifaçının özünə, sözləri isə Paulina Məlikovaya məxsusdur.

     Müğənni Günay İbrahimli geyimlərindən danışıb. İfaçı açıqlamasında bunları bildirib: “Bütün xanımlar kimi xoş sözü sevirəm. Mənə kimsə tərif deyəndə əhvalım yüksəlir. Əvvəl qara geyimi çox istifadə edirdim. Son vaxtlar rəngarəng paltarlar geyinirəm. Libaslarıma qarışan yoxdur. istədiyim kimi geyinirəm". G.İbrahimli plastik əməliyyatdan da danışıb:

“Üzümdə heç bir plastik müdaxilə olunmayıb. Amma buna pis baxmıram. Yaşlananda mən də qırışları aradan qaldırmaq üçün etdirəcəm. Həmişə cavan qalmayacam ki... Qocalacam”.

    Müğənni Elton Hüseynəliyev haqqında gəzən dedi-qodulardan danışıb: Sənətçi açıqlamasında bunları bildirib: “Hər zaman ətrafın fikrinə önəm vermişəm. Neçə illər bu çərçivədə yaşamışam. Amma illər keçdikcə başa düşdüm ki, insanlar şayiələr danışmağı sevir. Cəmiyyətdə obyektiv insanlar azdır. Harasa tək gedən kimi sual verirlər: “Boşanmısan?”. Ya da küçədə ayaqla gəzəndə, hamı deyir: “Avtomobilini satmısan?”. Bəzi halda ağsaqqal fikirləri önəmlidir. Nəsə edəndə ilk növbədə atamın, anamın fikrini öyrənirəm. Ətraf hər zaman səni qınaya bilər. Amma bu qınaqlar insanı daha təcrübəli edir”.

    Rəqqasə Fatimə Fətəliyeva yaradıcılıq yeniliklərindən də danışıb. O,açıqlamasında bu yaxınlarda Gürcüstana gedəcəyini bildirib: “Orada "Qafqaz rəqsi” adlı klip çəkdirəcəm. Rejissor Nail Naiboğluna həvalə etmişəm. Ekran işində Gürcüstan Rəqs Ansamblı da yer alacaq”.

 

Əhəd Miriyev

 

MuzTv.az