Elvin Abdullayev yeni mahnısının yayın hiti olacağına inanır

Müğənni Elvin Abdullayev “Adına şeir yazıram” adlı yeni mahnısını təqdim edib. 

    Müğənni Elvin Abdullayev “Adına şeir yazıram” adlı yeni mahnısını təqdim edib. Axşam.az-ın məlumatına görə, bəstənin sözləri Telli Orucqızına, musiqisi ifaçının özünə aiddir. Sənətçi yeni işini yayın hiti adlandırıb: “Çox iddialı mahnıdır. Seviləcəyinə inanıram. Bu bəstəyə klip də çəkdirəcəm. Amma ekran işini payızda təqdim etməyi planlaşdırmışam”.

    Müğənni Natavan Həbibinin qızılları və kürkü oğurlanıb. Sənətçi bu haqda verilişlərin birində deyib: “Hadisə Novruz bayramında Almaniyaya konsertə gedəndə baş vermişdi. Çamadanımı oğurladılar. İçərisində kürküm və brilyantlarım var idi. Bunu heç yerdə deməmişdim. Berlinə çatan kimi getdim alış-veriş etdim. Çünki geyinməyə paltarım yox idi”.

     Müğənni Samir Cavadzadə əməkdar artist Murad Dadaşovla işbirliyinə başlayıb. Bu haqda ifaçı açıqlamasında bildirib: “Murad Dadaşovun rəhbəri olduğu “M Group”un üzvüyəm. İyuldan işlərə başlayacağıq. “Şəhərimiz” adlı yeni mahnım var. Ona klip çəkdirəcəm. İyunun 7-də məşəl daşıdığım görüntülər də o ekran işində olacaq. “Bakı 2015”in açılışnda da yer alacam. Orada mənə başqa bir iş tapşırılıb, bunu da açıqlaya bilmərəm”.

     Müğənni Ayan Babakişiyeva bu il istirahətə gedə bilməyəcək. Müğənni bu haqda açıqlamasında deyib: “Artıq anayam, qızım var. Bütün planlarımı Selenanın üstündə qururam. Ötən il də istirahətə gedə bilməmişdim. Yalnız payızda qardaşımla birlikdə getdim. İstəyərdim Selenanı da özümlə harasa aparım. Amma alınmır. Bu artıq istirahət olmayacaq. Dincəlməyə heç vaxt onunla getmərəm. Çünki bütün fikrimi, vaxtımı ona ayıracam, özüm dincəlməyəcəm”.

 

Əhəd Miriyev

 

MuzTv.az