Elza Seyidcahan 6 şlyapanı üst-üstə taxdı

Əməkdar artist Elza Seyidcahan yenə də geyimi ilə hər kəsi təəccübləndirib. Axşam.az-ın məlumatına görə, “Azərbaycanın səsi” musiqi yarışmasının münsif kürsüsündə əyləşə

   Əməkdar artist Elza Seyidcahan yenə də geyimi ilə hər kəsi təəccübləndirib. Axşam.az-ın məlumatına görə, “Azərbaycanın səsi” musiqi yarışmasının münsif kürsüsündə əyləşən müğənni 6 şlyapanı üst-üstə taxıb. Qeyri-adi libaslara üstünlük verən E.Seyidcahan bu dəfə də seçilmək istədiyini bildirib.

   Əməkdar artist Nüşabə Ələsgərli baxım sirlərini bölüşüb. Müğənni ən çox saçlarına qulluq etdiyini bildirib: “İşimlə bağlı hər gün salona müraciət etməli oluram. Ən çox da saçıma maskalar qoydururam. Bir də masaj xidmətindən çox istifadə edirəm. Yorğunluğumu götürür. Çox işlədiyim üçün ayaqlarım ağrıyır, onları masaj etdirirəm. Bir də gözətrafı kremləri çox vururam. Bəzi qulluq vasitələri var ki, onları almışam və evdə edirəm. Salona pulum getmir. Çünki mənim öz gözəllik salonum var, xidmətlər pulsuzdur”.

    Prodüser Tolikin ad gününə qatılanlar arasında müğənni Günay İbrahimli də yer alıb. Gecədə ilanla oynayan rəqqasə sənətçiyə yaxınlaşıb. İlandan qorxan G.İbrahimli özünü itirib və qaçmağa çalışıb.

    Tədbirlərin birinə qatılan müğənni Sevinc Ağaşirinova kamera qarşısına keçərək şəkillər çəkdirib. Dekolteli geyimi ilə diqqət çəkən müğənni açıqlamasında yeni işlərindən söhbət açıb: “Türkiyədə “Xəstəyəm” adlı mahnıya klip çəkdirdim. Bəstənin söz və musiqisi Elvin Muxtara aiddir. Onu deyə bilərəm ki, çox fərqli ekran işi ərsəyə gətirdik. Əminliklə deyə bilərəm ki, şou-biznesdə hələ belə klip olmayıb. Tezliklə yeni klipimi təqdim edəcəm”.

 

Əhəd Miriyev

 

MuzTv.az