Demet Akalın homoseksuallar üçün mahnı oxuyub

Müğənni Demet Akalın homoseksuallar üçün nəzərdə tutulmuş “Gzone” jurnalına müsahibə verib. 

    Müğənni Demet Akalın homoseksuallar üçün nəzərdə tutulmuş “Gzone” jurnalına müsahibə verib. Axşam.az-ın məlumatına görə, ifaçı eynicinsli nikahlara münasibətini bildirib: “Dünyanın bir çox ölkəsində bunu dəstəkləyən qanunlar var. Mən heç kim arasında ayrı-seçkilik qoymuram. Hamıya insan kimi yanaşıram. Ailə mənim üçün müqəddəsdir. Amma dürüst söyləyim ki, Türkiyədə bu cür evliliklər mümkün görünmür”. Demet yeni albomunda homoseksuallar üçün mahnı oxuduğunu da deyib: “İnanıram ki, çox seviləcək. Hətta bir çox mahnımdan daha hit olacaq. Bəstənin adı “Günaydın, abla”dır”.

    Müğənni Hadisə iş adamı sevgilisi Uğur Güvənlə restorandan çıxarkən paparassilərin kameralarına tuş gəlib. Mediadan gizlənməyə çalışan cütlük əyləndikləri məkandan 10 dəqiqə fasilə ilə ayrılıb. Yanaşı görünməmək üçün Hadisə ilə sevgilisi qaçaraq avtomobillərinə miniblər və jurnalistlərin suallarını cavablandırmayıblar.

    Müğənni Murad Boz həmkarı Tarkanı təkrarlaması ilə bağlı xəbərlərə cavab verib. Dünən Nişantaşında idman zalından çıxarkən jurnalistlərlə qarşılaşan Murad bu yay konsertlərinə görə tətil edə bilməyəcəyini deyib. O, bir neçə gün əvvəl onu Tarkanla müqayisə edənlər üçün isə belə deyib: "Təki Tarkanla müqayisə olunum. Bu mənə qürur verər. Bu qədər il onun çörəyini yemişəm". Qeyd edək ki, M.Boz solo karyerasına başlamadan əvvəl Tarkanın vokalçısı olub.

     Bir müddət əvvəl küçədə tüfeyli gəzərkən görüntülənən irlandiyalı aktyor Conatan Ris-Mayers Londonda yenidən obyektivlərə tuş gəlib. 37 yaşlı aktyor əvvəlkindən fərqli olaraq, bu dəfə təmiz geyinib. Alış-verişdən qayıdan Conatan təraşlı üzü, düzgün saç düzümü ilə diqqət çəkib. Mayers keçəndəfəki halına görə sosial şəbəkədə fanatlarından üzr istəyib.

 

Əhəd Miriyev

 

MuzTv.az