Röyanın istəyi baş tutmadı

Müğənni Röya Ayxanın telekanalların birində aparıcılıq etmək istəyi baş tutmayıb. 

     Müğənni Röya Ayxanın telekanalların birində aparıcılıq etmək istəyi baş tutmayıb. Lent.az-ın məlumatına görə, ifaçının bir neçə ay öncə anons etdiyi “Röya Show” adlı proqramın yayımlanmayacağı,verilişin sponsorları ilə razılığa gələ bilmədikləri haqda şayələr yayılmağa başlayıb. R.Ayxanın prodüseri Kənan Bayramov açıqlamasında məsələyə aydınlıq gətirib: “Artıq yay mövsümü başlayır. Bir də indi hamının başı Avropa Oyunlarına qarışıb. İndi olimpiya öndədir. Buna görə də verilişi payıza saxladıq. Layihəmiz yeni mövsümdə ekrana gedəcək. O ki qaldı Röyanın sponsorlarla razılaşmamağına... Biz veriliş üçün heç bir sponsor danışmamışıq. Bu layihəni prodakşn edir. Həmin şirkət də Türkiyədə fəaliyyət göstərir”.

     Əməkdar artist Lalə Məmmədova qızı Nərgizin rəqs edərkən çəkilən videosunu paylaşıb. Müğənni videonun yanına “Bugünkü çəkilişdə prodüserim Nərgizdir. Mən oxuyanda, bu da kənarda öz aləmində imiş. Canım qızım, həmişə qəlbdən güləsən”.

     Rəqqasə Oksana Rəsulovadan yeni xəbər var. İfaçı açıqlamasında yeni çəkildiyi “Zaman adlı qatar” filmindəki tərəf müqabillərinin adını açıqlayıb: “Kənan Musayevin filmidir. Burada baş rolda oynayacam. Tərəf müqabillərim xalq artisti Rasim Balayev, Həmidə Ömərova, aktrisa Könül Nağıyevadır. Bilirəm ki, rejissor məni öldürəcək. Çünki açıqlama verməyə icazə yoxdur. Bir də onu deyim ki, həyatda baş verən real bir hadisə əks olunacaq”.

     Müğənni Niyam Salami avtomobil qəzası keçirib. İfaçı bu haqda verilişlərin birində bildirib: “İki gün əvvəl avtomobil qəzası keçirmişəm. Ayağım zədələnib. Heç yeriyə bilmirəm, verilişə güclə gəlmişəm. Yol polisi sağ olsun, həmin gün mənə çox kömək etdi. Şükür ki, salamatçılıqdır”.

 

Əhəd Miriyev

 

MuzTv.az