Top model Karli Kloss “Versace”nin yeni siması seçildi

Amerikalı top model Karli Kloss “Versace”nin yeni siması seçilib. 

    Amerikalı top model Karli Kloss “Versace”nin yeni siması seçilib. Axşam.az-ın xarici mətbuata istinadən məlumatına görə, 22 yaşlı model 2015-ci ilin payız-qış kolleksiyası üçün kamera qarşısına keçib. Daha əvvəl markanın reklamında Ledi Qaqa, Madonna, Rihanna, Cennifer Lopez kimi ulduzlar çəkiliblər. Karliyə həmkarları Leksi Bolinq və Kerolayn Trentini dəstək olublar.

    Müğənni Kənan Doğulu Kopenhagendə konsert verib. Təxminən 10 min nəfər tamaşaçının olduğu meydanda əsl şənlik yaşanıb. İfaçının çıxışını aktrisa həyat yoldaşı Beren Saat səhnə arxasından izləyib. Kənanın fanatları çıxışı boyunca “Beren” deyə qışqıraraq aktrisanın onları salamlamasını istəyiblər. Lakin bu istəkləri baş tutmayan izləyicilər onun avtomobilinə minməsini gözləyiblər. “Beren” deyə qışqıran tamaşaçılar onları salamlamayan aktrisadan çox incidiklərini bildiriblər. B.Saatla K.Doğulu isə konsertdən sonra əl-ələ tutaraq, sürətlə kulisdən uzaqlaşıb və avtomobillərinə miniblər.

    Müğənni Sərdar Ortaç Türkiyədə parlament seçkilərindən bir gün əvvəl irlandiyalı həyat yoldaşı Xloe Luqnanla Bodruma tətilə yollanıb. Hamını səsverməyə çağıran təşviqat kampaniyasından kənarda qalan ifaçı səs vermək əvəzinə, dincəlməyi seçib. Seçicilərin qutu başında olduğu vaxt isə Sərdar Xloe ilə hovuz kənarında istirahət edib.

    "Paper Magazine" jurnalı müğənni Mayli Sayrusla təəccüblü fotosessiya edib. Qalmaqallı müğənni fotokamera qarşısına özünün ev heyvanı olan donuzla çıxıb. Daha sonra müğənni İnstaqramda özünün donuz başıyla təsvir olunan fotosunu yerləşdirib.

 

Əhəd Miriyev

 

MuzTv.az