Serenay Sarıkayanın iş adamı ilə sevgili olması təsdiqini tapdı

Aktrisa Serenay Sarıkayanın iş adamı Müzəffər Yıldırımla sevgili olması xəbərləri təsdiqini tapıb. 

     Aktrisa Serenay Sarıkayanın iş adamı Müzəffər Yıldırımla sevgili olması xəbərləri təsdiqini tapıb. Axşam.az Türkiyə mətbuatına istinadən xəbər verir ki, cütlük restorandan çıxarkən paparatsilərin kameralarına tuş gəlib. Məkandan ayrı-ayrılıqda çıxan Serenayla Müzəffər jurnalistlərin suallarını cavablandırmayıblar.

     Kanadalı müğənni Castin Biberə 750 dollar pul cəzası verilib. Müğənninin Kanadada baş tutan məhkəməsində jurnalistin şikayətinə baxılıb. Məhkəmə jurnalistin leyhinə qərar qəbul edib və Castin pul cəzasına cəlb olunub. Qeyd edək ki, Castin Kanadanın Stratford qəsəbəsində sevgilisi Selena Qomezlə gəzintisini görüntüləmək istəyən jurnalisti "ATV" tipli maşınla vurmuşdu. Jurnalist polisə şikayət etmiş, müğənnini məhkəməyə vermişdi. Castin açıqlamasında onun narahat etdiyi üçün bu addımı atdığını, günahkar olduğunu bildirmişdi.

     Məşhur Çin və Hollivud ulduzu Ceki Çanın 15 yaşlı qızı Etta U Colin atasından imtina edir. Buna səbəb aktyorun işlərinin çoxluğundan qızına vaxt ayıra bilməməsi göstərilir. Etta başı karyerasına qarışan Cekini görmək belə istəmədiyini deyib: “O, mənim atam deyil. Ona qarşı heç bir hissim yoxdur. O, mənim bioloji atamdır, həyatımda heç vaxt yeri görünməyib”.

     İspaniyanın nüfuzlu "El Mundo" jurnalı maraqlı məlumat yayıb. Dərgi rus model İrina Şeyklə FİFA-nın bir neçə gün əvvələ kimi prezidenti olan Jozef Blatterlə sevgi münasibətlərinin olduğunu iddia edib. 79 yaşlı Blatterin 29 yaşlı manikenlə münasibəti təxminən 10 il əvvəl olub. FİFA prezidenti ondan əvvəl tennisçi İlona Boqusko ilə sevgili olub, sonra isə 2002-ci ildə öz qızının rəfiqəsi Qrasiella Bianka ilə evlənib. Lakin qısa müddətli evlilikdən sonra Jozef yenidən Boquska ilə görüşür. Məhz bu arada onun İ.Şeyklə də görüşdüyü istisna edilmir. Hazırda isə ali futbol qurumunun prezidentliyindən istefa verən Blatter Linda Barras ilə evlidir. Çıxan şayiələr barədə Şeyk açıqlama vermək istəməyib.

 

Əhəd Miriyev

 

MuzTv.az