İzzət Bağırzadə solo konsertə hazırlaşır
Müğənni İzzət Bağırzadə solo konserti üçün hazırlıqlara başlayıb. Axşam.az-ın məlumatına görə,ifaçı açıqlamasında həyəcanlı olduğunu etiraf edib: "5-6 ildir konsert vermirəm.
Müğənni İzzət Bağırzadə solo konserti üçün hazırlıqlara başlayıb. Axşam.az-ın məlumatına görə,ifaçı açıqlamasında həyəcanlı olduğunu etiraf edib: "5-6 ildir konsert vermirəm. Qarşıdakı konsert mənim üçün çox məsuliyyətlidir. Həyəcanlıyam. Müğənni dostlarım məni ancaq tamaşaçı kimi izləyəcək. Heç kəsi səhnəyə dəvət etməyəcəm. 2 saat 30 dəqiqə canlı oxuyacam. Heç vaxt canlı oxumaqdan qorxmamışam. Bu gün toyda 6-7 saat oxuyuruq. Müğənnilər çıxıb bunu konsertlə müqayisə edirlər. Bu yanlışdır. Toyda xaric də oxuya bilərik, sözləri də unudarıq. Amma konsertdə bunlar olmamalıdır. Möhtəşəm çıxış etməlisən, tamaşaçı pul verib bilet alır. Tamaşaçı müğənninin yox, müğənni tamaşaçının nazıyla oynamalıdır. Biletlərin satılmasından narahat deyiləm. Həmişə konsertə dörd gün qalmış kassa bağlanıb. Çünki bilet bitib. Mən heç vaxt ikinci gün konsert vermirəm. O ləzzəti bir gün yaşayıram. Səhnə dekorasiyası möhtəşəm olacaq". Qeyd edək ki, İ.Bağırzadənin konserti sentyabrın 18-də "Yaşıl Teatr"da baş tutacaq.
Hər zaman geyimi ilə fərqlənən Zamiq Hüseynov sosial şəbəkədə yeni fotolarını paylaşıb. Şəkillərdə ifaçının yay fəslində daha çox şortiklərə üstünlük verməsi diqqətdən yayınmayıb.
Müğənni İradə İbrahimova hamiləliyinin beşinci ayını yaşayır. Sənətçi açıqlamasında övladını İstanbulda dünyaya gətirəcəyini bildirib: “İkinci dəfə ana olmaq, bu hissi yaşamaq arzusunda deyildim. Bunu qızım İpək istədi. Ona bu həyatda qoya biləcəyimiz ən böyük sərvət bacı və ya qardaşdır. Övladımı İstanbulda dünyaya gətirəcəm”. Qeyd edək ki, bir qız anası olan İ.İbrahimovanın oğlu dünyaya gələcək.
İyunun 27-də Türkiyənin məşhur müğənnisi Çelik Bakıda konsert verəcək. Bu barədə açıqlamasında gecənin təşkilatçısı Nahid Emiloğlu bildirib: "Möhtəşəm konsert olacaq. Çelik öz orkestri ilə canlı ifalar səsləndirəcək".
Əhəd Miriyev
MuzTv.az