Dilarə Kazımovanın motosiklet gəzintisi
“Eurovision” təmsilçilərimizdən olan Dilarə Kazımova gecəyarısı şəhərdə motosiklet gəzintisinə çıxıb.
“Eurovision” təmsilçilərimizdən olan Dilarə Kazımova gecəyarısı şəhərdə motosiklet gəzintisinə çıxıb. Axşam.az-ın məlumatına görə, müğənninin həmin an lentə alınan görüntülərini caz ifaçısı Ülviyyə Rəhimova sosial şəbəkədə paylaşıb.
Müğənni Zamiq Hüseynov tədbirlərin birində fotokamera qarşısına keçərək, şəkillər çəkdirib. Sənətçi həmçinin formada qalmağının sirrini də bölüşüb: “Əvvəl nə gəldi yeyirdim. Sonra mədəmdə güclü ağrılar başladı, çoxlu dərman qəbul etdim. Xeyri olmadı. Başladım sağlam qidalanmağa. Səhər yeməyi yeyirəm. Gün ərzində bircə dəfə bir dilim qara çörək qəbul edirəm. Qədərindən artıq qida istifadə etmirəm. Beş ildir dayanmadan idmanla məşğul oluram. İndi həm çəkim qaydasındadır, həm də orqanizmim sağlamdır”.
Müğənni Aysel Əlizadə şəxsi həyatı ilə bağlı açıqlamalar verib. İfaçı ailə qurmağa hazırlaşdığını bildirib: “Sevdiyim insan var. Bu yaxınlarda da ailə quracam. Həmişə sözün düzünü demişəm. Nə olursa, gizlətmirəm. "Hə" də olub. Hələ ki, məclisin mediaya qapalı olub-olmaması ilə bağlı heç nə deyə bilmərəm. Qarşı tərəf nə məsləhət görsə, onu da edəcəm. Ailə mənim üçün daha önəmlidir".
Müğənni Elariz Məmmədoğlu rəqqasə Fatimə Fətəliyevanı yalan danışmaqda günahlandırıb. Müğənni açıqlamasında “Göyçək Fatimə” ləqəbini ona özünün verdiyini bildirib: “15 il əvvəl çalışdığım restorana bir xanım gəldi ki, rəqqasə olmaq istəyirəm. Adını soruşdum, dedi: “Fatimə Fətəliyeva”. Cavab verdim ki, gəl, sənə “Göyçək Fatimə” ləqəbini qoyaq. Etiraz bildirdi, bir az israr etdim. Toyların birində gördüm ki, plov gətirir. Onu “Göyçək Fatimə” kimi təqdim etdim. Həmin gündən adı elə qaldı. Bir gün maqazin verilişlərinin birində ona sual verdilər ki, “Göyçək ləqəbin sizə kim verib?”. Həmin gün ad gününü qeyd edən sənətkarın adını çəkdi. Fatimə düz danışmadı. Sonra məclisdə üz-üzə gəldik. Soruşuram ki, “Yadında ilk dəfə sənə bu ləqəbi mən vermişəm. Niyə başqasının adını çəkirsən?”. Qayıtdı ki, “Onun ad günüdür da, nə edim?”. Fatimənin həmin söhbəti mənə təsir etmişdi”.
Əhəd Miriyev
MuzTv.az