Merilin Monronun sonuncu şəkilləri ortaya çıxıb

Hollivud ulduzu Merilin Monronun ölümündən 3 həftə əvvəl – 13 iyul, 1962-ci ildə çəkdirdiyi sonuncu şəkilləri ortaya çıxıb. 

     Hollivud ulduzu Merilin Monronun ölümündən 3 həftə əvvəl – 13 iyul, 1962-ci ildə çəkdirdiyi sonuncu şəkilləri ortaya çıxıb. Axşam.az xarici mətbuata istinadən xəbər verir ki, fotoların müəllifi Corc Barrisdir. İlk əvvəl Barris həmin şəkilləri özünün “Merilin: onun həyatı öz dodaqlarından” kitabına daxil etmək istəyirmiş. Lakin ulduzun öldürülməsi faktı ortaya çıxdığından fotoqraf bu addımı atmayıb. Merilinin fotoları Santa-Monika çimərliyində çəkilib.

     Modelyer və dizayner Viktoriya Bekhem yeni geyim kolleksiyasını təqdim edib. Onun 2016-cı il kolleksiyası bu dəfə ənənəvi ingilis tərzini sevənlər üçün nəzərdə tutulmayıb. Geyimlərində ağ, qara, qırmızı və mavi rənglərdən istifadə edən Viktoriya cəsarətli davranaraq simmetriyası pozulmuş geyimlər hazırlayıb.

     Sentyabrda yeni "Honeymoon" ("Bal ayı") adlı albomunu təqdim etməyi planlaşdıran Lana Del Rey dünən "Endless Summer" ("Sonsuz yay") adlı turnesi çərçivəsində növbəti konsertini verib. Kanadada baş tutan konsertdə müğənni səhnəyə ağ qısa libasda çıxıb. Hər zaman sadə geyimləri ilə seçilən ifaçı gündəlik həyatında da bu ənənəsinə sadiq qalır. İncə bədəni olsa da, o, retro və vintaj tərzi ilə sevənləri üçün artıq bir "ikon"a çevrilib.

    Pop diva Meray Kerrinin böyük qardaşı Morqan hər kəsi təəccübləndirəcək açıqlamalar edib. O, bacısının alkoqol aludəçisi olduğunu deyib: "O, bütün hamiləliyi boyu alkoqol içdi. Uşağın doğulmasından sonra yenə də buna davam etdi. Artıq onu sonuncu dəfə nə zaman ayıq gördüyümü xatırlamıram. Heç bir dəstəyi də yoxdur. Etibar edilə biləcək bütün dostlarını özündən uzaqlaşdırıb". Morqan "National Enquirer" jurnalına açıqlamasında qeyd edib ki, bacısı üçün çox narahatdır. Bunu dayandırmasa, Merayın sonunun Uitni Hyuston kimi olacağını deyib: "Bir gün o da hardasa ölü vəziyyətdə tapılacaq. Başqa variant təsəvvür edə bilmirəm. Spirti dolduraraq içən hər bir adam həyatını təhlükəyə atır".

 

Əhəd Miriyev

 

MuzTv.az