Aygün Kazımova da məşəl daşıyacaq

Xalq artisti Aygün Kazımova Gürcüstandan təcili Bakıya qayıtmasının səbəbini açıqlayıb. 

     Xalq artisti Aygün Kazımova Gürcüstandan təcili Bakıya qayıtmasının səbəbini açıqlayıb. Axşam.az-ın məlumatına görə, müğənni "Bakı 2015" Avropa Oyunlarının məşəldarı seçildiyini bildirib: “Yaradıcı işlərlə bağlı Gürcüstana getmişdim. Zəng gəldi, təcili Bakıya qayıtdım. İclas keçirildi və mən də Avropa Oyunlarının məşəldarlarından biri seçildim. Bu haqda çox danışmağa icazə verilmir. İdmançılara həmişə dəstək oluram. Çünki mən özüm də idmançıyam. İdmanla bağlı çox mahnılar oxumuşam”.

    Xalq artisti Brilliant Dadaşova "De görüm neyləmişəm" adlı mahnısını təqdim edib. Sözləri Teymur Elçinə, musiqisi Fikrət Əmirova aid olan bəstə müğənninin yeni albomunda yer alacaq. Mahnı Türkiyədə hazırlanıb. Musiqinin səsyazma prosesində balaban ifaçısı Alixan Samedov da iştirak edib. Yeni diski ilə bağlı hazırda Türkiyədə olan B.Dadaşova "Bakı 2015" Avropa Oyunları ərəfəsində paytaxta qayıdacaq. Xalq artisti Bakının mərkəzi hissəsində məşəl daşıyıcılardan biri olacaq.

    Xalq artisti Faiq Ağayev bəyəndiyi xanım tipini açıqlayıb. Sənətçi açıqlamasında bəstəboy xanımları xoşladığını deyib: “Mən yanımdakı xanımı “biqudidə” görmək istəmirəm. Saçını mən evdə olmayanda düzəltsin. Deyirlər, bəstəboy kişilər hündürboy xanımları xoşlayırlar. Məndə əksinədir. Bəy üçün vacib deyil, xanım model görünüşündə olsun. Bu, qısqanclıq yaradır. Mənim zövqüm bəstəboy xanımlardır. Onlar daha cəlbedicidirlər, cəld olurlar. Çox iş görürlər ki, diqqət çəksinlər. Onlar ailəcanlı, ərinə diqqətcil olurlar. Bir sözlə, boyu balaca olan xanımlar əsl xəzinədirlər. Aqressiv xanımları sevmirəm”.

    Hər zaman həyat yoldaşına xüsusi diqqət, qayğı göstərən müğənni Nadir Qafarzadə bu dəfə də əhdinə sadiq qalıb. Ən çətin, kasıb günlərini bir-birinə dayaq olaraq keçirən cütlük sosial şəbəkədə də bu ənənəyə sadiq qalırlar. Nadir Qafarzadə toylardan, tədbirlərdən, gəzinti zamanı çəkilən fotoları sosial şəbəkədə paylaşaraq bu qeydi edib: "Allah bizi ayırmasın, Sevincim".

 

Əhəd Miriyev

 

MuzTv.az